Proiektuek Nafarroako konpainien, ekoizleen eta/edo artisten arte eszeniko eta musikaletako ekoizpenei ("performatiboak" barne) lotuta egon behar dute.

Pertsona edo entitate eskatzaile bakoitzak proiektu bakarra aurkezten ahalko du.

Dirulaguntzen helburua

Deialdiaren xedea da artisten eta arte eszenikoen arloko enpresen mugikortasuna sustatzeko laguntzak arautzea banakako ebaluazioaren araubidean, besteek beren produkzioak Nafarroatik kanpo kontrata ditzaten, eta parte har dezaten Nafarroatik kanpo egiten diren eta pertsona edo entitate eskatzaileak antolatuta programatzaileentzat edo banatzaileentzat egiten diren azoka edo erakustaldi itxietan.

Zenbatekoa

Deialdiaren zenbatekoa 20.000 eurokoa da. Diruz lagundutako proiektu bakoitzerako laguntzaren zenbatekoa ez da inola ere izanen onartutako aurrekontuaren % 70 baino handiagoa. Proiektu diruz lagungarri bakoitzerako laguntzaren zenbatekoa 3.000 eurokoa izanen da, gehienez ere.

Eskabidea aurkezteko fasea:

• I. Eranskina - Eskabidea
• II. Eranskina - Proiektuaren deskripzio-memoria
• III. Eranskina - Informazio ekonomikoa. Proiektuaren aurrekontua

Laguntzak emateko fasea (pertsona edo erakunde onuradunak bakarrik):

• IV. eranskina - Kultur mezenasgoa
• Gardentasun betebeharra aurkezpena (Tramitazioa atalean bete,"Aurkeztu" botoia)
• Adibidea: datu pertsonalak ezkutatzea PDF sinadura digitalean (gardentasun-adierazpena)

Justifikazio-fasea (pertsona edo erakunde onuradunak bakarrik):

• V. eranskina - Justifikazioen informazio ekonomikoa

Nola aurkeztu Erregistro Orokor Elektronikoan (Kultur Ekintza Zerbitzua).

36E/2025 Foru Agindua, dirulaguntzen deialdia onesten duena.