Etxebizitza babestuen jabeak. 

Alderdi hauek hartu behar dituzu kontuan, zure etxebizitza babestua dohaintzan emateko:

• Etxebizitza dohaintzan emateko, gutxienez hamar urte igaro behar dira haren behin betiko kalifikaziotik. 
• Ezin diozu etxebizitza edozeini dohaintzan eman. Dohaintza-hartzaileak honako baldintza hauek bete behar ditu: 
  • Familiaren diru-sarrera haztatuak ezin dira izan ERREGEROSNA adierazlea halako 6,5 baino handiagoak (errenta egokiagatiko erosahalmena). Kalkulatu zein diren familiaren diru-sarrera haztatuak eta zer baliokidetasun duten ERREGEROSNAn.
  • Ez berak, ez familia-unitateko beste ezein kidek ezin dute jabetzan eduki etxebizitzarik edo zati proportzionalik, ez eta haren gaineko erabilera- edo gozamen-eskubide errealik ere, salbu eta etxebizitza desegokitzat jo bada eta Administrazioari eskaini badiote. Kontsultatu zein etxebizitza diren desegokiak eta nola eskaintzen zaizkien Administrazioari.
• Dohaintza-hartzaileak etxebizitza erabili behar du bere ohiko bizileku iraunkorra izateko.
• Baimena eskatu behar diozu Etxebizitza Zerbitzuari, behar diren egiaztapenak egin ditzan. Administrazioak gehienez ere 60 egun balioduneko epea du dohaintza baimentzeko. Epe hori iraganik ez baduzu erantzunik jaso, baimena eman dizula ulertu behar duzu. 
• Baimen hori sei hilabetera iraungitzen da. Epe horretan ez baduzu dohaintza notarioaren aurrean formalizatzen, berriz ere baimena eskatu beharko duzu. 
• Dohaintza notarioaren aurrean formalizatuta, eskritura publikoaren kopia bat aurkeztu behar duzu Etxebizitza Zerbitzuan bi hilabete baino lehen. 

10/2010 Foru Legea, Nafarroan Etxebizitza Izateko Eskubideari buruzkoa.