Nazionalitate espainiarra duten eta Espainian egoiliar izateko lege-baimena duten atzerriko herritarrak, baldin eta ondorengo eskakizunak betetzen badituzte:

• 65 urtetik gorako pertsonak izatea.
• Gutxienez hamar urtez espainiar lurraldean bizi izandakoa izatea, eskatzaileak hamasei urte bete zituen egunetik hasi eta pentsioaren sortzapen egunera bitartean; horietatik bi urte, eskabidea egiten den dataren aurreko biak izan behar dira.
• Diru-sarrera nahikorik ez duten pertsonak. Ez izate horren urteko zenbaketa aldakorra da, eta urtero ezartzen du Estatuko Aurrekontu Orokorren Legeak. 2023ko zenbaketan, ulertzen da diru-sarrera nahikorik ez dagoela urteko errentak edo diru-sarrerak 6.784,54 eurotik beherakoak direnean.
• Eskatzailea bizi baldin bada berarekin ezkontza bidez edo bigarren mailarainoko odol-ahaidetasunezko harremanen bidez lotutako beste pertsona batzuekin, diru-sarrera horien baturak ez du gainditu behar ezarritako baliabideen muga.

65 urtetik gorako herritar guztiei eta beharrizan-egoeran daudenei prestazio ekonomikoa, doako laguntza mediko-farmazeutikoa eta gizarte-zerbitzu osagarriak bermatzen dizkie, nahiz eta kotizatu ez edo nahikoa ez izan.

• ​​Gizarte Segurantzaren pentsioak dira; Nafarroako Foru Komunitateari transferituta dago pentsio horiek kudeatzeko eskumena.
• Urtero aldatzen da zenbatekoa, Gizarte Segurantzaren pentsioen balio handitzearekin.
• Jasoko den zenbatekoa baremo baten araberakoa da (eskatzailearen beraren diru-sarrerak, bizikidetzako unitate ekonomikoaren diru-sarrerak, odol-ahaidetasun maila...).

Informazio gehiago.

Prozeduraren urratsak:

• Behin eskabidea Gizarte Politikako eta Kontsumoko Zuzendaritza Nagusiko Kotizazio Gabeko Pentsioen Bulegora iristen denean, espedientean jasotako dokumentazioa ebazpena emateko eskatutakoa den egiaztatuko da.
• Aurkeztutako dokumentazioa nahikoa ez edo okerra bada, beharrezko informazioa eskatuko zaio interesdunari (NAN agirien fotokopiak, kontratuak, azken kitatzeak, nominak...), edo zuzenean organismo ofizialei (errolda- edo bizikidetza-ziurtagiriak, Estatuko Enplegu Agentziaren prestazioak...).
• Behin dokumentazio guztia dagoenean, espedientearen ebazpena emango da, baremoa eta indarrean dagoen legeria aplikatuz; ondoren, interesdunari bidaliko zaio ebazpenaren kopia, eta adieraziko zaio, ebazpenarekin ados egon ezean, erreklamazioa egiteko legezko epeak zeintzuk diren eta zein organismotara zuzendu behar duen erreklamazioa.

• Eskabidea berariazko inprimakian, behar bezala beteta.
• Errolda-ziurtagiria (udaletxean eskatzen da).
• Bizikidetza-ziurtagiria.
• Eskatzailearen eta harekin bizi diren kide guztien NAN agirien fotokopia. Atzerritarren kasuan: Pasaportearen eta Espainiako bizileku-txartelaren, baimenaren edo frogagiriaren fotokopia; bizilekuari dagokionez, egungo bizilekuarena eta alegatutako aldietan izandako bizilekuarena.
• Ezgaitasunen bat izatekotan, eskatzailea legez ezgaitzen duen ebazpen judiziala eta tutorearen izendapena.
• Eskatzailearen diru-sarreren frogagiria eta, hala badagokio, bizikidetzako unitate ekonomikoarena.
• Transferentzia bidezko ordainketarako eskabidea

• Gizarte Segurantzaren Legearen testu bategina, 8/2015 Errege Lege Dekretua, urriaren 30ekoa (2015eko 261. EAO, urriaren 31koa).
• 357/1991 Errege Dekretua, martxoaren 15ekoa (EAO, 69. alea, 1991ko martxoaren 21ekoa).
• PRE/3113/2009 Agindua, azaroaren 13koa (EAO, 280. alea, 2009ko azaroaren 20koa).