Harrera-familia izan nahi duten pertsona edo familientzat (familiako beste etxe batzuetan edo beste familia batean). Harrera-familia izateko eskabidea egin behar dute eta dagokion erakunde publikoak egokitzat baloratu behar du.

• Jatorrizko bere familiarena ez bezalako familia-ingurunea eskaintzen dio adingabeari, babestuko duena eta bere beharrak modu integralean aseko dituena, harik eta daukan egoera arazotsua konpontzen den arte.
• Adingabeak babesteko neurririk egokiena da, hainbat arrazoi tarteko, ezinezkoa denean haren berezko familian bizitzea eta egoera hori, printzipioz, aldi baterakoa denean. Izan ere, uste baita familia-ingurunea dela haur baten beharrei ondoen erantzuten dien testuingurua, haur hori, alderdi guztiei dagokienez, behar bezala gara dadin.

Harrera motak

• Aurreikusitako iraupenaren arabera:
  • Urgentziazkoa, gehienez sei hilabeterako, egoeraren balorazioa egin eta adingabea babesteko neurririk egokiena aztertzen den bitartean.
  • Aldi baterako, gehienez bi urterako, familia biologikoak gaitzeko lana egiten duen bitartean edo adingabea familiarekin egotea galarazten zuten zailtasunak konpontzen dituen bitartean.
  • Iraunkorra, familia biologikoak dituen zailtasunen izaeragatik, ez denean aurreikusten, epe jakin baten barruan, adingabea familiara itzuli ahal izango denik.
• Harrera-familiaren arabera:
  • Harrera familiaren beste etxe batean: adingabea familiakoek, hurbilekoek edo ahaideek hartzen dutenean.
  • Beste familia batean, adingabearekin inolako loturarik ez duen eta bere burua borondatez eskaintzen duen familia batek hartzen duenean haurra. Kasu honetan harreragilea profesional bat izan daiteke.

Harrera-familien eta adingabeen eskubide eta betebeharrak

Informazio gehiago

Prozeduraren urratsak:

 Jardunbidea

• Eskabidea, beteta
• Balorazioa egiteko galdetegia
• NAN edo pasaportea
• Familia-liburua
• Errolda-ziurtagiria (udaletxean eskatzen da)
• PFEZ aitorpena
• Mediku-txostena
• Zigor-aurrekarien ziurtagiria. Honako helbidean egin behar da eskabidea, NAN agiria aurkeztuta:
  Justizia Ministerioaren Lurralde Kudeatzailetza
  Puy Ama Birjinaren kalea, 1. Iruña
  Telefonoa: 848 42 42 23.

• 7/2009 Foru Dekretua, Haurrentzako eta nerabeentzako sustapenari, laguntzari eta babesari buruzko 15/2005 Foru Legea hein batean garatzeko erregelamendua onesten duena.
• 69/2008 Foru Dekretua, gizarte zerbitzu orokorren zorroa onesten duena.
• 15/2006 Foru Legea, Gizarte zerbitzuei buruzkoa.
• 15/2005 Foru Legea,  abenduaren 5ekoa (NAO, 149. alea, 2005eko abenduaren 14koa).
• 21/1987 Legea, azaroaren 11koa (EAO, 275. alea, 1987ko azaroaren 17koa).
• 1/1996 Lege Organikoa, urtarrilaren 15ekoa (EAO, 15. alea, 1996ko urtarrilaren 17koa).