Nafarroako toki entitateei 2025eko dirulaguntza, LGTBI+ sustatzeko eta laguntzeko proiektuak garatzeko

Nafarroako Toki Administrazioari buruzko uztailaren 2ko 6/1990 Foru Legean araututako Nafarroako toki entitateei zuzendua, betiere deialdi honetako oinarrietan ezarritako baldintzak betetzen badituzte.
Onuradun izan daitezkeen toki-erakundeek elkartze-akordioak egin ahal izango dituzte beste toki-erakunde batzuekin, dirulaguntza eskatzeko. Eskaerarekin batera akordioaren testua aurkeztu beharko dute. Bertan, elkartutako toki-erakunde bakoitzari aplikatu beharreko egikaritze-konpromisoak jasoko dira (deialdiaren 2. oinarriaren arabera).

Helburua

Nafarroako toki entitateei laguntza ematea LGTBI+ politika publikoak gara ditzaten udalerrian, LGTBI+ eskubideak sustatzen eta betetzen laguntzeko.
 

•    Proiektuak gauzatzeko epea 2025ko urtarrilaren 1etik urriaren 31era bitartekoa izango da. 
•    Diru-laguntza hauek ezartzen dira:

o    1. modalitatea: LGTBI+ tokiko diagnostikoa egitea
o    2. modalitatea: LGTBI+ tokiko plana egitea
o    3. modalitatea: LGTBI+ azterlan sektorialak egitea.
o    4. modalitatea: LGTBI+ jardueren programazioa diseinatzea eta gauzatzea.

•    Toki-erakundeek (edo toki-erakundeen elkarteak) 1., 2., 3. eta 4. modalitateetako baterako baino gehiagotarako proiektua aurkeztu ahal izango dute, 2. modalitaterako xedatutakoa izan ezik; kasu horretan, aldez aurretik diagnostikoa egin beharko da (3. oinarria).
•    2. modalitaterako diru-laguntza eskatzen duten toki-entitateek 5 urtetik beherako antzinatasuna duen udalerriaren LGTBI+ diagnostikoa izan beharko dute.
•    Guztira gehienez 6.000 euroko dirulaguntza emango da (eskatutako modalitate guztiak).
 

Eskabidearen  dokumentazioa

• 3. Eranskina. Eskabide eredua – 1 Modalitatea.
• 3. Eranskina. Eskabide eredua – 2 Modalitatea.
• 3. Eranskina. Eskabide eredua – 3 Modalitatea.
• 3. Eranskina. Eskabide eredua – 4 Modalitatea. 

Modalitate bat baino gehiago eskatzen badira, proiektuaren memoria bakoitza beteko da.

• 4. Eranskina Idazkaritzaren ziurtagiria - 2. modalitateko eskaeretan bakarrik aurkeztu.

•    Proiektuaren edo proiektuen memoria (hainbat modalitate eskatzen badira). Memoria hori dokumentu bereizi batean aurkeztu ahal izango da.

Dirulaguntza eman ondoren:

Oharra: Gardentasunaren botoia ez da aktibatuko; izan ere, Nafarroako Gardentasun Kontseiluari egindako C 02/2019 kontsultaren arabera, ez da aplikagarria 5/2018 Foru Legearen 12.4 artikulua, Nafarroako toki entitateei dagokienez, Foru Administrazioari dirulaguntza gisa eskatzen diotenean.

DOKUMENTAZIOA JUSTIFIKATZEA

2025ko azaroaren 5a baino lehen, honako agiri hauek aurkeztu beharko dira:

 Memoriaren eredua edo ereduak (modalitate bat baino gehiago eskatu badira): 

• 5. eranskina. Memoriaren eredua – 1., 2. eta 3. modalitateak.
• 5. eranskina. Memoriaren eredua – 4. modalitatea.

• 6. eranskina. Idazkaritzaren Ziurtagiria Justifikazioa.
• 7. Eranskina. Gastuen eredua.
• 8. Eranskina. Enpresa-aukeraketa egiaztatzen duen ziurtagiria.
• Egindako ekintzen eta horiek gauzatzetik eratorritako produktuen dokumentu-frogak.
• Transferentzia bidezko ordainketa-eskaera (soilik Nafarroako Gobernuaren dirulaguntzarik jaso ez bada edo ordaintzeko banku-kontua aldatu bada). Nafarroako Gobernuaren atariko Tramiteen ataleko "Kontuak eta ordainketak" fitxaren bidez.

GN-INAI/NABI logotipoak (10.2 oinarriaren arabera txertatuko den logoa)
 

280E/2024 EBAZPENA, maiatzaren 8koa, deialdia onartzen duena.

11/2005 Foru Legea, dirulaguntzei buruzkoa.