1898an, Pedro Ciga eta Dorotea Fernández senar-emazteek tokia erosi zuten, Bidasoaren ondoko jauregi zaharra berreraiki zuten, Aizkolegi mendiaren gailurreko jauregia eraiki zuten eta lorategiari forma eman zioten. Zenbait tokitatik ekarritako landare exotikoekin eta iturri, urmael eta estalpe berriekin apaindu zuten, eta horrek kutsu erromantiko eta modernista eman zion. Hala ere, oihana eraberritu eta kontserbatzen aritu ziren. 1949an, Pedro Cigak, testamentuaren bidez, Nafarroari eta haren izenean Foru Aldundiari utzi zion Jaurerria, eta eskatu zion hura zaintzeko, ezaugarri naturalak aldatu gabe. Balio natural eta historiko handiak zaintzeko, Nafarroako Gobernuak Jaurerria parke natural izendatu zuen 1984an.

1984an parke natural izendatu zutenetik, “Bertizko Jaurerriaren” kudeaketa honako hauetan oinarritu da funtsean: paisaiaren eta haren osagaien kontserbazioan, ekosistemen egonkortasuna eta biodibertsitatea mantentzean, hezkuntza jarduerak egitean eta ekosistema naturalen ikerketa sustatzean. Nafarroako oihan ondarearen “Bertizko Jaurerria” finkak oihangintza jasangarriaren ziurtagiria du (PEFC sistema).

Ezagutu Nafarroako naturagune guztiak