Didaktika - Nafarroako Artxibo Nagusia
Jarduera didaktikoak
Nafarroako Errege Artxibo Nagusiak lantegiak eta jarduera didaktikoak antolatzen ditu Derrigorrezko Bigarren Hezkuntzako, Batxilergoko eta Unibertsitateko ikasleentzat.
- “Erregerik gabeko erresuma” lantegi historikoa: DBHko 1.eko eta 2.eko ikasleentzat
- Unitate didaktikoak: DBHko 3.eko eta 4.eko ikasleentzat
- "Paper-sortak bizkar-zorroan" fitxa didaktikoak: Batxilergoko ikasleentzat
- Lantegia, Gerra Zibileko dokumentuekin: Batxilergoko 2. mailako ikasleentzat
- Gerra Karlistari buruzko documentaziodun tailerra
“Erregerik gabeko erresuma” lantegi historikoa:
Hartzaileak: DBHko 1.eko eta 2.eko ikasleentzat.
Nafarroako tronua hutsik dago. Bidaiatuko zenuke 1328ra eta Nafarroako erregea hautatzeko eta aldarrikatzeko prozesua bertatik bertara bizi?
Nafarroako Errege Artxibo Nagusiak ikaskuntza kolaboratiboko jarduera bat eskaintzen du "Erregerik gabeko erresuma. Tronu-jokoa” unitate didaktikoaren bidez; DBHko lehen ikasturteetako ikasleei zuzentzen zaie.
Taldeka arituko dira, eta talde horietan rol sozial eta profesional desberdinak hartuko dituzte: kleroa, nobleak, burgesak, nekazariak, gutxiengo erlijiosoak; eta multzo bakoitzaren barruan, parte-hartzaileak prokuradore, notario, ikertzaile, artxibozain edo eskribau gisa arituko dira.
Unitate didaktikoak
Hartzaileak: DBHko 3.eko eta 4.eko ikasleentzat.
Nafarroako Unibertsitate Publikoarekin eta Historiaren Didaktika masterreko irakasleekin eta ikasleekin lankidetzan, Nafarroaren historiaren irakaskuntzan transposizio didaktikoaren metodologia aplikatzen duten unitate didaktiko batzuk prestatu dira.
Horri esker, jatorrizko iturrien azterketaren bidez ikas daitezke alderdi historiko batzuk; kasu honetan, AGNn zaintzen diren iturriez ari gara.
Irakaslea bazara eta hauetako unitate didaktikoren bat landu nahi baduzu Nafarroako Errege Artxibo Nagusian, kontsultatu gurekin.
"Paper-sortak bizkar-zorroan" fitxa didaktikoak
Hartzaileak: Batxilergoko ikasleentzat.
UHUNeko Iruñeko Zentro Elkartuak Paper-sortak bizkar-zorroan proiektua garatu du, testu historikoen iruzkinak jasotzen dituzten fitxa didaktikoak eskaintzeko hezkuntza-komunitateari.
Nafarroako Errege Artxibo Nagusiko jatorrizko iturri erakargarrien zerrenda berri bat da. Eskura dauden fitxa didaktikoak deskargatu daitezke jarraian.
Familia eta ezkontza
-
Sorginkeria bidezko prozesu judiziala Nafarroan (1370)
-
Ezkontza-kontratua Elizondon (1466)
-
Ama batek alabaren aurka egindako prozesu judiziala, herentziagatik (1581)
-
Prozesu judiziala emazteari tratu txarrak emateagatik (1760)
-
Soldadutzatik salbuesteko eskaera (1847)
-
Dibortzio-prozesu judiziala (1933)
Migrazio-mugimenduak
Aisialdia eta eguneroko bizimodua
Etxebizitza eta hirigintza
Lantegia, Gerra Zibileko dokumentuekin
Hartzaileak: Batxilergoko 2. mailako ikasleentzat.
Nafarroako Errege Artxibo Nagusiak ikasleei aukera paregabea emanen die Espainiako Gerra Zibilean nafarrek bizi izandako gorabeherak gordinki islatzen dituzten jatorrizko dokumentu eta espedienteak esku artean izateko.
Lantegian, gertaera historiko hori aztertzeko zaindutako lehen mailako iturri nagusien azalpena eta epez kanpoko heriotzak inskribatzeko espediente judizialen eta Gerra Zibilean borrokatu zuten nafarren fitxen kontsulta konbinatzen dira.
Gerra Karlistari buruzko dokumentaziodun tailerra
Hartzaileak: Batxilergoko ikasleak.
Nafarroa Hirugarren Karlistaldian (1872-1876) gobernu konstituzional liberalaren eta matxinatu karlisten arteko gatazkaren eszenatoki nagusietako bat izan zen, 1874ko irailetik 1875eko otsailera bitartean Iruñea blokeo gogor baten menpe jartzera iritsi zirelarik.
Gerraren ondorioz errefuxiatutako familia liberalei emandako sorospen-kontzesioen espedienteen kontsultaren bidez, tailerrean eskuz idatzitako iturri dokumentalak ezagutzeko aukera ematen zaie ikasleei, eta baita horien bidez gatazkaren garapen belikoari eta horrek herritarrengan dituen ondorioei buruzko informazioa nola lor daitekeen egiaztatzeko aukera ere.
