Zergak Nafarroan ordaintzen dituzten pertsona fisikoak edo juridikoak.

Txostena eginen da instalazioa fakturatu zaion pertsona fisiko edo juridikoaren izenean.

Jabeen erkidegoen kasuan, instalazioa haien izenean fakturatzen denean, txosten bakarra eginen da erkidegoaren izenean. Inbertsioan parte hartu duten pertsonek txosten hori aurkeztu beharko dute Ogasunean, erkidegoko lehendakariaren edo administratzailearen adierazpen batekin batera, zeinak adieraziko baitu zein partaidetza ehuneko duen pertsona horrek inbertsioan.

• Kenkari fiskala aplikatzeko laburpena
• Datu pertsonalen babesari buruzko informazioa

Kenkariak izapidetzeko prozesuari buruzko infografia.

Ibilgailu elektrikoetan egindako inbertsioen kasuan (turismoak, motozikletak, bizikletak, etab.), ez da Zerbitzu honen egiaztapen-txostenik behar. Kenkari fiskala aplikatzeko, bakarrik behar dira erosketa-faktura, ibilgailuaren ordainagiria eta ibilgailuaren fitxa teknikoa.

2025eko urtarrilaren 1etik aurrera, kendu eginen da bizikleta elektrikoetarako kenkari fiskala, Zenbait zerga aldatu eta beste tributu-neurri batzuk hartzeari buruzko abenduaren 26ko 20/2024 Foru Legearen zortzigarren artikuluaren arabera.

"Araudia" atalean, Pertsona Fisikoen Errentaren gaineko Zergaren eta Sozietateen gaineko Zergaren erregulazioa duzu. Bertan kontsultatzen ahal duzu zer ezaugarri bete behar dituzten eskuratutako ibilgailu elektrikoek, kenkari fiskala aplikatu ahal izateko.

Gainerako inbertsioetarako (energia berriztagarrien instalazioak eta karga-sistemak), honako hauek dira izapideak:

• Eskabidea, energia berriztagarrien instalazioetan inbertsioak egiteko (eskabidea aurrez aurre erregistratzen bada bakarrik). Eskabidea fitxa honetako "Tramitatu" botoiaren bidez eginez gero, ez da beharrezkoa eranstea, online izapidean bertan baitago formularioa).
• Eskabidea karga-sistemetan inbertsioak egiteko (eskabidea aurrez aurre erregistratzen bada bakarrik). Eskabidea fitxa honetako "Tramitatu" botoiaren bidez eginez gero, ez da beharrezkoa eranstea, online izapidean bertan baitago formularioa).
• Inbertsioaren fakturen fotokopiak, zehatzak eta kontzeptuka xehatuak.
• Fakturak ordaindu izanaren frogagiriak (banku-agiriak edo hartze-agiriak).
• Instalazioaren eta hura osatzen duten elementuen argazkiak.
• Osagaien fitxa teknikoak.
• Aerotermiako instalazioetan, hala badagokio, bero-ponpa bultzatzeko energia iturri berriztagarrietatik datorrela justifikatzeko: hornidura elektrikoko kontratua, % 100 berriztagarria delako bermearekin, edo lotutako instalazio fotovoltaikoaren behe-tentsioaren erregistro-zenbakia.

Txostena egiteko behar den bestelako edozein agiri eskatzen ahalko da. Era berean, energia berriztagarrien instalazioek eta karga-puntuek alta emanda egon behar dute dagokien erregistroan:

• Behe-tentsioko instalazio elektrikoen erregistroa.
• Instalazio termikoen erregistroa.

• Sozietateen gaineko Zergari buruzko 26/2016 Foru Legearen testu bategina.
• Pertsona Fisikoen Errentaren gaineko Zergari buruzko Foru Legearen testu bategina.