Hipoteka eta alokairuen arloko aholkularitza eta bitartekaritza zerbitzuak bi arreta-mota eskaintzen ditu, pertsona bakoitzak beren ohiko etxebizitzari dagokionean duen egoeraren arabera:
Bitartekaritza-zerbitzua
Arazo ekonomikoak dituzten pertsonekiko bitartekaritza; hots, etxebizitza galtzeko aukera dutenak, hipoteka edo alokairua ordaintzeko ezintasuna izateagatik. Bitartekaritza borondatezko prozesua da, konfidentziala eta ez judiziala, eta helburu hauek ditu:
- Pertsonaren edo familia-unitatearen egoera ekonomikoa eta soziala aztertzea.
- Ohiko etxebizitzari eusteko irtenbide errealistak aztertzea.
- Negoziazioak erraztea egoera itzulezinak saihesteko akordioak lortzearren.
Bitartekaritza eskuratzeko baldintzak:
- Arriskuan dagoen etxebizitza ohiko bizilekua izatea.
- Etxebizitza Nafarroan egotea.
- Aurretik banketxearekin edo etxebizitzaren jabearekin harremanetan jarri izatea akordio bat lortzeko, eta akordio hori ez lortzea.
Informazio- eta aholkularitza-zerbitzua
Hipoteken edo alokairuen arloan orientazioa behar duten pertsonentzat, jabe zein maizterrentzat. Zerbitzuak honako hauek eskaintzen ditu:
- Etxebizitzen alokairuen arloko aholkularitza juridikoa.
- Hipoteka-gatazken arloko aholkularitza juridikoa.
- Interesatuta dauden pertsona guztientzako orientazioa.
- Etxebizitzarekin loturiko eskubide eta betebeharrei buruzko zalantzak argitzea.
Ez da inolako baldintzarik bete behar informazio- eta aholkularitza-zerbitzua eskuratzeko.