Ikaspostua eskatzen ahal dute honako hauen gurasoek edo legezko ordezkariek:

• Derrigorrezko Bigarren Hezkuntzan (DBH) eta Batxilergoan eskola-plaza eskatu nahi duten ikasleak.

Aurreinskripzio prozesua martxoaren 24tik 28era bitartekoa da, eta honela egiten ahal da:

• Online aurreinskripzioa (gomendatua), orri honetako Tramitazio atalean gaitutako estekaren bidez, aurreinskripzioa egiteko epean.
• Aurrez aurreko aurreinskripzioa, aukeratutako edozein ikastetxetan.

Onarpen prozesuari buruzko informazioa:

• DBHko eta Batxilergoko ikasleen onarpen prozesuaren egutegia.
• Onarpen prozesuari buruzko informazio guztia.
• Zozketaren emaitza, ikaspostuak esleitzeko hurrenkera alfabetikoa zehazten duena, berdinketarik badago.

Ikastetxeei buruzko informazioa:

• Nafarroako ikastetxe publiko eta itunpekoen zerrenda:
  • Iruña eta eskualdea
  • Nafarroako gainerakoa
• Ikastetxeen geolokalizatzailea: etxebizitzaren edo lantokiaren helbidea idatzita, 1.500 metrora edo gutxiagora dauden ikastetxeak erakusten dira.

Nahitaezko agiriak:

• Onarpen eskabidea
  • Aurreinskripzioa online egitea aukeratzen baduzu, web-formulario bat bete behar duzu. Orri honetako Tramitazio atalean gaituko da formulario hori, aurreinskripzioa egiteko epean.
  • Aurreinskripzioa modu presentzialean egitea aukeratzen baduzu, onarpen eskabide hau deskargatu eta aukeratu duzun zentroren batean entregatu behar duzu, beteta, sinatuta eta eskatutako dokumentazioarekin batera.
• Familia liburuaren kopia edo beste edozein bitarteko, familia lotura frogatzeko balio duena (ikaslearen jaiotza ziurtagiria / pasaportea / NANa / AIZ).

Aukerako agiriak (aukerakoak diren arren, baldintzak betetzen badira aurkeztea komeni da, baremaziorako balio baitute):

• Erroldatze-ziurtagiria, edo volantea, nos ikaslea erroldatuta agertzen den eta, gutxienez, hauetako bat: aita, ama edo legezko tutoreetariko bat. Ziurtagiriak luzatua izan behar du 2024/12/28 eta 2025/03/28 bitartean.
• Ikastetxean anai-arrebak izatearen egiaztagiria.
• Lantokia egiaztatzeko agiria.
• Ikaslearen edo haren familiako kideren baten % 33ko edo handiagoko desgaitasunaren ziurtagiria.
• Genero indarkeriaren edo terrorismoaren biktima dela egiaztatzeko agiri ofiziala.
• Ikastetxearen ziurtagiria, guraso edo legezko tutorea bertako langilea dela zehazten duena.
• Familia ugaria legez izatea egiaztatzen duen titulu ofiziala.
• Familia-harrera egoeran izatea egiaztatzen duen agiri ofiziala.
• Guraso bakarreko familia izatea egiaztatzen duen titulu ofiziala.
• Erditze anizkoitzean jaiotako ikaslea dela egiaztatzen duen agiri ofiziala.
• Hezkuntza laguntzako berariazko premiak dituen ikaslea izatea egiaztatzen duen agiri ofiziala. Ez da beharrezkoa aurkeztea ikaslea EDUCAn erroldatuta badago; kasu horretan, Hezkuntza Departamentuak ofizioz aurkeztuko du.
• Batxilergoaren 1. mailan sartzeko: Dokumentazio akademikoa, eskatutako batez besteko nota duena, 46/2021 Foru Aginduaren 28. artikuluaren araberakoa. Ez da beharrezkoa izanen lehenengo aukera gisa adierazitako ikastetxeak telematika bidez kontsultatzen ahal badu.

Hautazko baimenak:

Hezkuntza Departamentuari baimena eman diezaiokezu honako kontsulta hauek egin ditzan:

• 2023ko errenta-aitorpena kontsultatzeko baimena. Familia-unitatearen per capita errentaren lehentasunezko irizpidea egiaztatzeko balio du. Aitorpen bereiziak aurkezten badituzue, bi gurasoek edo tutoreek baimendu behar duzue. Horrenbestez:
  • Aurreinskripzioa modu presentzialean eginez gero, bi gurasoek edo tutoreek sinatu behar duzue eskabidea.
  • Aurreinskripzioa online eginez gero, eskaera egiten ez duen pertsonaren datuak kontsultatzeko baimen-inprimakia erantsi behar duzu.

16.576 eurorainoko per capita errentak bakarrik puntuatzen dira. Dokumentu honetan kontsulta ditzakezu errenta tarteak eta tarte bakoitzari ematen zaion puntuazioa.

• 57/2025 Ebazpena, Hezkuntzako eta Lanbide Heziketako zuzendari nagusiak emana, zeinaren bidez Nafarroako Foru Komunitateko ikastetxe publikoetan eta itunpeko ikastetxe pribatuetan ikasleak onartzeko prozesuaren deialdia egin eta garatzen baita, Derrigorrezko Bigarren Hezkuntzako eta Batxilergoko irakaskuntzak egiteko 2025-2026 ikasturtean.
• 26/2025 Foru Agindua, zeinaren bidez aldatzen baita uztailaren 3ko 80/2019 Foru Dekretuaren eranskina. Foru dekretu horren bidez Nafarroako Foru Komunitateko ikastetxe publikoen sarea berrantolatu zen.
• 35/2024 Foru Agindua, Hezkuntzako kontseilariak emana, Nafarroako Foru Komunitateko ikastetxe publikoetan Nazioarteko Batxilergoko irakaskuntzak arautzen dituena.
• 33/2021 Foru Dekretua, zeinak arauak ematen baititu Nafarroako Foru Komunitateko ikastetxe publikoetan eta pribatu itunduetan ikasleak onartzeko.
• 46/2021 Foru Agindua, zeinaren bidez garatzen baita Haur Hezkuntzako bigarren zikloko, Lehen Hezkuntzako, Derrigorrezko Bigarren Hezkuntzako eta Batxilergoko irakaskuntzak egiteko Nafarroako Foru Komunitatean dauden ikastetxe publikoetan eta itunpeko ikastetxe pribatuetan ikasleak onartzeko prozesua.
• 80/2019 Foru Dekretua, Nafarroako Foru Komunitateko Ikastetxe Publikoen Sarea berrantolatzen duena.
• 2/2006 Lege Organikoa, Hezkuntzari buruzkoa.