Merkatuan ondasunak edo zerbitzuak eskaintzen dituen jarduera ekonomikoren bat egiten duten pertsona fisiko edo juridiko pribatuak, baldin eta Nafarroan kokatutako hirugarren sektoreko eraikin osoen, lokalen edo eraikin-zatien jabe, ustiatzaile, errentari edo emakidadun badira, sektore publikoa alde batera utzita, eta, guztira, 500 m2-tik gorako azalera erabilgarria badute, honako erabilera hauetarako:

• Administrazioa
• Osasuna
• Merkataritza
• Bizitegi publikoa
• Irakaskuntza
• Kultura
• Aisialdiko jarduerak
• Jatetxeak
• Garraioa
• Kirola
• Gurtza lekuak, erlijio arloko erabilerak eta antzekak

Jarduketa diruz lagungarriak

Jarduketek honako tipologietako batekoak edo batzuetakoak izan beharko dute:

1. Inguratzaile termikoaren energia-efizientzia hobetzea.
2. Instalazio termikoetan energia-eraginkortasuna hobetzea eta energia berriztagarriak erabiltzen dutenak.
3. Argiztapen-instalazioen energia-efizientzia hobetzen dutenak.
4. Automatizazio- eta kontrol-sistemak.

Laguntzen izaera pizgarria kontuan izanda, jarduketa diruz lagungarriak ezin dira hasi laguntza-eskaera erregistratzen den eguna baino lehen. Hala, jarduketak hasitzat emanen dira inbertsioa itzulezin bihurtuko duen kontratua sinatzen denean, eskaera egiten denean edo bestelako konpromisoren bat hartzen denean.

Diruz lagungarriak izanen dira, aurreko jarduketa-tipologien arabera, hasierako egoerarekin alderatuta azken energia-kontsumoa gutxienez % 20 murriztu dela egiaztatzen duten jarduketak. Hori justifikatzeko, hauek aurkeztu beharko dira: eraikinak egungo egoeran duen energia-efizientziaren ziurtagiria eta birgaitu ondoren eraikinak izanen duen energia-efizientziaren ziurtagiria.

Aurrezten den azken energiaren kWh bakoitzeko emandako laguntzak ezingo du izan 0,43 eurotik gorakoa.

Dirulaguntzaren zenbatekoa

2014ko ekainaren 17ko 651/2014 (EB) Erregelamenduaren (KSEO) 38 bis artikuluan energia-efizientziako jarduketetarako ezarritakoaren araberakoa izanen da.

• Oro har:
  • Enpresa handiak: % 30
  • Enpresa ertainak: % 40
  • Enpresa txikiak: % 50
• Energia primarioa gutxienez % 40 murriztuz gero:
  • Enpresa handiak: % 45
  • Enpresa ertainak: % 55
  • Enpresa txikiak: % 65

Lagundutako eremuetan inbertsioak egiteko laguntzen zenbatekoak -EBFTren 107. artikulua, 3 c) apart.- % 5 igoko dira. Eskualdeko laguntzen mapa.

Europako Batzordearen 651/2014 (EB) Erregelamenduaren I. eranskinaren arabera zehaztuko da enpresaren tamaina. ETEen definiziorako gida.

Jakingarriak

• Datu pertsonalen babesari buruzko informazioa

1. Aurkeztu beharreko agiriak:

Laguntza-eskaera telematikoki egin behar da, web-fitxa honen bidez. Eskaera egitean, deskribapen-memoria eta eraikinaren edo lokalaren lurzati-zedula ziurtatua erantsi behar dira.

Horrekin batera, deialdiaren oinarri arautzaileetan eta eranskinetan zehazturiko dokumentazioarekin aurkeztu beharko da. Honako eredu hauek erabili behar dira, kasuan kasu.

• Deskripzio-memoria
• Erantzukizunpeko adierazpenak
• Beste laguntza batzuei buruzko adierazpena
• Berreskuratu edo konpentsatu ezin den BEZaren erantzukizunpeko adierazpena
• Ordezkaritza egiaztatzeko eredua
• Hornitzailearen aukeraketaren justifikazioa

• Aurretiazko baimen-eskaera, betearazpena lotutako pertsona edo erakundeekin adosteko

2. Laguntza eman ondoren (hilabete bat):

Laguntza ematen duen ebazpena jakinarazten denetik hilabete bateko epean aurkeztu beharko da. Dokumentu horiek adierazitako epean aurkezten ez badira, dirulaguntza galduko da.

• Gardentasun-betebeharrari buruzko adierazpena
• Berankortasunaren aurkako neurriei buruzko 3/2004 Legean jasotzen diren ordainketa-epeak betetzen direla egiaztatzea (informazio-oharra).

3. Jarduketak justifikatzeko:

Laguntza ematen duen ebazpena jakinarazten denetik gehienez 24 hilabeteko epean justifikatu beharko dira, baldin eta 2030eko ekainaren 30a baino lehenagoko data bat bada. Ondoren, eskatutako dokumentu batzuen ereduak ageri dira.

• Justifikazio-memoria
• Justifikazioaren erantzukizunpeko adierazpena
• Publizitate-kartela (Irudi-eskuliburua)

4. Beste batzuk

• Atzera egiteko eta uko egiteko eredua (eskaera batean atzera egin edo emandako dirulaguntza bati uko egin nahi izanez gero)
• Transferentzia bidez ordaintzeko eskaera

• 287E/2026 Ebazpena, deialdia onesten duena.
  • Eranskinak