Garraioko lanbide gaitasunaren ziurtagiria eskuratzeko azterketa

Errepideko garraio publikoan aritzeko behar den lanbide gaitasunaren ziurtagiria eskuratzeko probak, salgaien eta bidaiari-garraioen modalitatean

2024/06/26ko azterketako kalifikazioen zerrenda argitaratu da.

Oinarrizko informazioa

Lanbide gaitasunaren ziurtagiria honako modalitate hauetan lortu nahi dutenentzat:

  • Errepideko salgaien garraioa, Espainiakoa eta nazioartekoa.
  • Errepideko bidaiari-garraioa, Espainiakoa eta nazioartekoa.

Azterketara aurkeztu ahal izateko nahitaezkoa izanen da ohiko bizilekua Nafarroan duela ziurtatzea eta prestakuntza titulu hauetako bat izatea (atzerriko titulua izanez gero, Espainian homologatutako titulua aurkeztu beharko da):

  • Batxilergo titulua edo baliokidea.
  • Teknikari titulua (erdi mailako lanbide heziketa).
  • Goi mailako teknikari titulua (goi mailako lanbide heziketa).
  • Graduko edo graduondoko unibertsitate ikasketak gainditu izana frogatzen duen edozein titulu.

Izangaiak “Azterketarako inskripzioa” menuan eskatu beharko ditu probak, “Tramitatu” botoiaren bidez. Botoi horrek eskabide batera eramango du, eta bertan datuak bete eta probetan parte hartzeko eskaturiko dokumentazioa erantsi beharko du.

Izen-ematea zuzena ez bada, izangaiak mezu elektroniko bat jasoko du, zuzenketa egiteko eskatuz eta zuzenketa hori egiteko epea jakinaraziz. “Zuzenketa” menuan egin beharko du, “Zuzendu” botoiaren bidez.

Ondoren, onartutako izangai bakoitzari deialdia eginen zaio, posta elektroniko bidez, azterketa egiteko eguna, ordua eta lekua adierazteko.

Probak urtean zehar eginen dira aldizka, izena eman dutenen kopuruaren eta ikasgelaren edukieraren arabera, lanorduetan. Uztailean eta abuztuan izan ezik, horietan ez baita azterketarik eginen.

Azterketa egin ondoren, pdf formatuan egindako azterketaren kopia bat bidaliko zaio izangai bakoitzari posta elektronikoz, lortutako kalifikazioarekin.

Izangaiak azterketak berrikusteko epaimahaiaren aurrean erreklamatzeko eskubidea erabili ahal izanen du azterketa egin eta hamar egun balioduneko epean, Garraioen Ikuskapen, Kudeaketa eta Antolamenduaren eta Mugikortasunaren Zerbitzuko Zuzendari Nagusiak otsailaren 8an emandako 11/2021 Ebazpenaren bidez. Horretarako, eskabidea aurkeztu beharko dio Garraioen Kudeaketa eta Antolamenduaren eta Mugikortasunaren Zerbitzua.

Probak gainditzen dituzten izangaiak Garraio Enpresen eta Jarduketen Erregistroan inskribatuko dira automatikoki, dagokion modalitatean garraiorako gaitasuna egiaztatu egiaztatu duen pertsona gisa. Halaber, ziurtagiriak prestatu ondoren, Garraioen eta Mugikortasun Jasangarriaren Zuzendaritza Nagusiaren bulegoetan jaso ahal izango dituzte. Horretarako, ziurtagiri bakoitza egiteagatik 27 euroko ordainketa-gutuna ordaindu behar da aldez aurretik.

Oharra: kalkulagailua eraman daiteke azterketa egiteko.

Azterketa egiteko jarraibideen eskuliburua (gaztelaniaz).

Garraio eta Mugikortasun Iraunkorreko Ministerioa galdera-bankua.

  • Eskabide-orria.
  • Bankuak betetako ordainketa-gutuna, aukeratutako espezialitate bakoitzeko (merkantziak eta/edo bidaiariak) 22 euro ordaindu dituela adierazten duena.
  • Batxilergoko edo erdi-mailako LHko tituluaren fotokopia konpultsatua, edo deialdiaren oinarrien arabera balio duen beste edozein titulurena (atzerriko titulua izanez gero, Espainian homologatutako titulua aurkeztu beharko da).
  • Indarrean dagoen NANaren kopia.

Dokumentu horietan ageri den helbidea Nafarroako Foru Komunitatekoa ez bada, erroldatze agiriarekin egiaztatu beharko du Nafarroan duela bizilekua.

Tramitazioa

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Emaitzak

Harremanetan jartzeko

Harremanetan Jartzeko Deialdien eta Txartelen Bulegoa
Emilio Arrieta kalea, 25, behea ezkerra
31002 Iruña
Telefonoak: 848 423 381 / 848 427 616
Posta elektronikoa: gestiontransportes@navarra.es

Oharra: orrialde honen edukia informazio hutsa da; baldintzak dagokion araudian argitaratutakoak dira.

access_time