Hautagaitzak pertsona fisiko nahiz juridikoek aurkezten ahalko dituzte; jasota utzi beharko da zer pertsona fisiko edo juridikoren hautagaitza aurkezten den.

Nafarroako Gobernuak lehenengoz emanen du Nafarroako boluntarioaren saria. Sari honen helburua da jendaurreko aintzatespena egitea boluntariotzaren arloan gailendu den pertsona fisiko edo juridiko bati, boluntariotzan arduraz aritzeagatik edo boluntario jardunean gizartearentzako eredu izateagatik, edo haren jarduketek garrantzi berezia izateagatik.

Saria gizartearen aintzatespena adieraziko duen diploma bat izanen da. Gainera, Nafarroako Gobernuak esker ona adieraziko dio saridunari jendaurreko ekitaldi batean.

• I. eranskina: Hautagaitza aurkezteko inprimakia, hautagai aurkezten den pertsona fisikoaren edo juridikoaren izenarekin eta harremanetarako datuekin.
• II. eranskina: Merezimenduak azaltzeko memoria (1.000 hitz gehienez), delako pertsona edo entitatea aurkezteko oinarri diren merezimendu aipagarriak jasotzen dituena, baita egokitzat jotzen den gainerako informazioa ere, saria eskuratzeko kontuan hartzen diren merezimenduen frogagarri.
• III. eranskina: Atxikimendu adierazpena. Nahi izanez gero, hautagaitzaren aldeko gutunak aurkezten ahalko dira.
• Beste edozein dokumentazio osagarri, alegatutako merezimenduak ziurtatu eta egiaztatzeko.

• 22/2025 Foru Agindua, Nafarroako boluntarioaren sarirako deia egiten duena 2025. urterako.
• 279/2023 Foru Dekretua, Nafarroako boluntarioaren saria eta aitortza berezia arautzen dituena.
• 2/1998 Foru Legea, bolondres lanari buruzkoa.