Ikasleak 3 urtetik 21 bat urte bitartekoak izanen dira (2023ko abenduaren 31rako urteak beterik izatea). Gainera, honako baldintzak bete behar dituzte:

• Desgaitasunaren egiaztagiria izatea edo EDUCAn erroldatua egotea hezkuntza premia bereziak izateagatik (desgaitasunari lotutako ardatzarekin), edo hori berresteko edo baztertzeko prozesu diagnostiko batean egotea.
• Ohiko bizilekua Nafarroan izatea.

70.000 euro izanen dira guztira. Oporraldi bakoitzerako gehieneko gastu hauek ezarri dira:

• 2022/2023 ikasturteko Gabonak: 15.000 euro
• 2023ko Aste Santua: 10.000 euro
• 2023ko uda: 45.000 euro

Eskaerak aurkezteko hiru epe irekiko dira, bat oporraldi bakoitzeko:

Laguntza eskatzeko, behin eskaera epea zabaltzen dela, on-line eskaera bete beharko da, fitxa honetako "Tramitazioa" atalera sartuz. Sartzeko identifikazio modu hauek erabili beharko dira: ziurtagiri digitala, NAN elektronikoa edo Cl@ave.

1. Laguntza eskatzen den lehen aldian aurkeztu beharreko agiriak. Ez da beharrezkoa izanen deialdi honetako beste oporraldietan aurkeztea:

• Aitaren/amaren/legezko tutorearen NANaren fotokopia. NANik ez duten eskatzaileen kasuan, pasaportearen fotokopia.
• Familia-liburuaren fotokopia. Guraso bereizien, dibortziatuen edo tutoreen kasuan, ikaslea eskaera egin duenaren mende dagoela ziurtatzen duen agiria erantsi behar da. Dibortzio kasuetan, zaintza guraso bakar bati dagokionean, dibortzioaren epaia.
• Desgaitasunaren ziurtagiriaren edo orientatzailearen ziurtagiriaren fotokopia (bigarren kasuan, EDUCAren barrenean zein ardatzetan erroldatua dagoen adierazita), edo txosten medikoa, irizpen klinikoa edo susmo diagnostikoa azaltzen duena.
• Haurra hezkuntza jardueran parte hartu baino lehenagoko bi urteetan Nafarroako Foru Komunitatean bizi izan dela frogatzen duen egiaztagiri ofiziala (erroldatzea).
• Eskatzailearen familia unitateko kideek 2021ean aurkezturiko pertsona fisikoen errentaren gaineko zergaren aitorpenen fotokopia osoa. Zaintza partekatua denean, bi gurasoen aitorpenen fotokopia.
• Agiri bidezko ziurtapen ofiziala, fotokopia bidez, deialdi honen 9.3 puntuan azaldutako egoeretako batean dagoela adierazteko.
• Banku-titulartasunaren ziurtagiria.

2. Laguntzaren xede den oporraldi bakoitzean aurkeztu beharreko agiriak:

1. II. eranskina: Onuradun izateko debeku egoeran ez dagoela dioen aitorpena.
2. III. eranskina: Desgaitasuna duten ikasleek eskola oporraldian hezkuntza jarduereten parte hartzeko beharraren egiaztapen profesionala.
3. IV. eranskina: Hezkuntza jarduerara joan dela eta ordaindu dela adierazten duen ziurtagiria.
4. Hezkuntza jarduera antolatu duen entitatearen ziurtagiria, jardueraren ezaugarriak zehaztuko dituena: iraupen datak, jardueren liburuxka edo programa.
5. V. eranskina: Erantzukizunpeko adierazpena.

3. Tramitazio telematikoa egitea ezinezkoa denean, eskabide orria eta gainerako dokumentazioa aurkeztu beharko dituzte.

472/2022 Ebazpena, 2022/2023 ikasturteko deialdia onesten duena.

Udako behin-behineko emaitza:

• 448/2023 Ebazpena, behin-behineko emaitzekin (2023/11/10ean argitaratua).
• Udako Eranskina: Emaitza eskaera egin zuen pertsonaren NAN zenbakiaren arabera ordenatuta dago.
• Erreklamatzeko eta zuzenketak egiteko epea: azaroaren 13tik 24ra.

Aste Santuko behin betiko emaitza:

• 342/2023 Ebazpena, behin betiko emaitzekin (2023/08/21ean argitaratua).
• Aste Santuko behin betiko Eranskina: Emaitza eskaera egin zuen pertsonaren NAN zenbakiaren arabera ordenatuta dago.

Aste Santuko behin-behineko emaitza:

• 267/2023 Ebazpena, behin-behineko emaitzekin (2023/07/4ean argitaratua).
• Aste Santuko Eranskina: Emaitza eskaera egin zuen pertsonaren NAN zenbakiaren arabera ordenatuta dago.
• Erreklamatzeko eta zuzenketak egiteko epea: uztailaren 5etik 18ra.

Eguberrietako behin betiko emaitza: 

• 155/2023 Ebazpena, behin betiko emaitzekin (2023/05/8an argitaratua).
• Gabonetako Eranskina: Emaitza eskaera egin zuen pertsonaren NAN zenbakiaren arabera ordenatuta dago.

Eguberrietako behin-behineko emaitza: 

• 81/2023 Ebazpena, behin-behineko emaitzekin (2023/03/24ean argitaratua).
• Gabonetako Eranskina: Emaitza eskaera egin zuen pertsonaren NAN zenbakiaren arabera ordenatuta dago.
• Erreklamatzeko eta zuzenketak egiteko epea: martxoaren 27tik apirilaren 12ra.