Ikastetxe nazionaletan edo atzerritarretan dauden Nafarroako ikasleak, baldintza hauek betetzen dituztenak:

• Nafarra izatea edo Nafarroan erroldatuta egotea 2024ko urtarrilaren 1a baino lehenagotik eta egoera horri eustea bekak irauten duen bitartean.
• 30 urte edo gutxiago izatea deialdi hau Nafarroako Aldizkari Ofizialean argitaratzen denean.
• Beka zein ikasketatan sakontzeko eskatzen den, arlo horretako ikasketa titulu ofizialaren jabe izatea, edo ikasketa guztiak gainditu izanaren ziurtagiri akademikoarena. Onartutako titulazioak honako hauek dira:
  • Unibertsitateko ikasketak edo goi mailako arte ikasketak.
  • Goi mailako heziketa zikloak.
  • Erdi mailako heziketa zikloak eta lanbide ikasketak.
  • Arte Batxilergoa.
  • Nafarroako Dantza Eskolan ikasketa osoak gaindituak.

Beka hauen onura publikokoak dira lehentasunezkoa baita arte ikasketen prestakuntza eta horietan sakontzea, kalitatezko kultura lanen sortzea, zabaltzea eta ekoiztea eragiten baitu zuzenean.

Beka hauetarako 166.396,23 euro bideratuko dira gehienez, eta Vianako Printzea Erakundea-Kultura Zuzendaritza Nagusiaren 2025ko eta 2026ko gastuen aurrekontuaren kargura finantzatuko dira, honela:

• 2025eko ekitaldi ekonomikoa: 66.396,23 euro
• 2026ko ekitaldi ekonomikoa: 100.000,00 euro

Informazio gehiago oinarri arautzaileetan.

• Eskabide eredua (berriak) - I Eranskina
• Eskabide eredua (luzapenak) - II Eranskina

• 126E/2025 Ebazpena, ebaluazio batzordeko kideak izendatzen dituena.
• 35E/2025 Foru Agindua, dirulaguntzen deialdia onesten duena.
• 11/2005 Foru Agindua, dirulaguntzei buruzkoa.

170E/2025 Ebazpena, onartuen behin betiko zerrenda onartu eta elkarrizketa pertsonalen egutegia ezartzen duena (argitalpen-data: 2025/06/19).

264E/2025 Ebazpena, deialdia ebazten duena (argitalpen-data: 2025/08/07).