• Azala belzteko aparatuak dituzten lokalen titularrak (azala belzteko zentroak, estetika-zentroak, ile-apaindegiak, gimnasioak eta abar).
• Azala belzteko aparatuak alokatzen dituzten enpresak.

Azala belzteko zentroek eta azala belzteko aparatuak alokatzen dituzten enpresek honako eginbehar hauek dituzte:

• Azala belzteko zentroen erregistroan inskribatzea, jarduera hasi aurretik.
• Datuak eguneratzea, inskripzioan emandako informazioa aldatzen den guztietan (aparatuak aldatzea, langileak aldatzea eta abar).
• Erregistroan baja ematea, jarduera bertan behera utzi behar bada.

Erabiltzaileen osasuna eta segurtasuna bermatzeko, zentroek betebehar hauek dituzte (kontsultatu Betebeharren gida):

• Langileek berariazko prestakuntza-ikastaro bat egin behar dute, hura emateko homologatuta dagoen erakunde honen bidez:
  • Nafarroako Ile-apaindegien Elkartea
  • Nafarroako Merkataritza, Industria eta Zerbitzu Ganbera Ofiziala
• Mantentze-lanen liburu bat edukitzea aparatu bakoitzeko.
• Aldizkako azterketa teknikoak egitea (gutxienez urtean behin), baita aparatuetan aldaketa nabarmenak daudenean ere. Kontrol-erakunde baimendu batek egin behar ditu berrikuspen horiek.
• 18 urtetik beherakoei debekatzea aparatuak erabili eta alokatzea.
• Erabiltzaileei nahitaezko informazio-agiri ematea, sinatu dezaten.
• Itxarongelan edo harreran informazio orokorreko kartela hau jartzea.
• Nahitaezko ohartarazpenak beltzarantzeko aparatu bakoitzean agertu behar dira, edo aparatutik hurbil dagoen hormako kartel iraunkor batean.

Inskripzioa egiteko:

• Adierazpenaren inprimakia (hartan jaso behar da azala belzteko aparatuen eta zentroko materialen deskribapen teknikoa, baita izpi ultramoreen aparatuak erabiliko dituzten langileen zerrenda eta arlo horretan duten berariazko prestakuntza ere).
• Langileen prestakuntzaren ziurtagirien fotokopia.

• 24/2004 Foru Dekretua, belzte zentroak ireki eta abian jartzeko eta belzte aparatuak alokatzeko baldintzak arautzen dituena.
• 1002/2002 Errege Dekretua, erradiazio ultramoreen bidez beltzarantzeko aparatuen salmenta eta erabilera arautzen dituena.