• Nafarroako ehiza-lizentzia berritu, kobrantzak kudeatu edo horren datuak eguneratu nahi dituzten ehiztariak.
• Ehiza-baimena lehen aldiz izapidetzeko, nahitaezkoa da lehenik ehiza-azterketa egitea (baita eskatzaileak azken 15 urteetan Nafarroan ehiza-baimenik izan ez badu ere).
• Beste autonomia-erkidego batzuek emandako gaitasun-ziurtagiriak dituzten ehiztariak, Nafarroako ehiza-azterketarekin homologatu daitezkeenak, beren ehiza-baimena izapidetu nahi badute.
• Foru Komunitatean bizi ez diren ehiztariak, baldin eta Nafarroako ehiza-baimenik ez badute, bizi diren lurraldeko ehiza-baimenak badituzte eta ehizan jarduteko desgaituta ez badaude, eta salbuespenezko ehiza-baimen bat izapidetu nahi badute.

Ehiza-baimena baduzu, honako kudeaketa hauek egin ditzakezu orrialde honetako Tramitazioa atalean:

• Datu pertsonalak eguneratzea
• Ordainketak helbideratzea
• Online ordaintzea
• Ordainketa-gutuna lortu eta/edo berrinprimatzea
• Arrantza-baimenaren prezioa 13,86 eurokoa da, eta urtebeterako balio du ordaintzen den egunetik aitzina.
   

Oraindik ez baduzu, honako hauek izapidetzen ahalko dituzu:

• Nafarroako ehiza-baimena, beste edozein autonomia-erkidegok emandako gaitasun-ziurtagiriak dituzten pertsonentzat, baldin eta Nafarroako ehiza-azterketarekin homologatu badaitezke.
• Aldi baterako salbuespenezko ehiza-baimena, Nafarroan bizi ez diren eta ehiza-baimenik ez duten herritarrentzat, baldin eta beren egoitza-lurraldeko ehiza-baimenak badituzte eta ehizan jarduteko desgaituta ez badaude. Baimen hori gehienez 9 egun natural jarraitukoa izanen da, eta gehienez bi baimen izan daitezke pertsona eta ehiza-denboraldi bakoitzeko.

Lizentzia bat berritzeko, beharrezkoa da: 

• NANa
• Ordainketa-gutuna entregatzea edo bidaltzea, helbideratuta ez badago.

Ordainketa helbideratuta duten pertsonek dagokien ordainagiria jasoko dute beren banku-erakundean.
Txartel fisikoa ez da berritzen (berak balio du).

Lizentzia lortzeko, beste edozein autonomia-erkidegok emandako gaitasun-ziurtagiria izanez gero:

• NANa
• Gaitasun agiria
• Ehiza-lizentziaren eskabidea

Aldi baterako salbuespenezko baimena lortzeko:

• NANa
• Eskabide orria
• Bizi zaren lurraldean indarrean dagoen ehiza-lizentzia
• Ehizan jarduteko desgaituta ez egotearen adierazpena

• 48/2007 Foru Dekretua, 17/2005 Foru Legea garatu eta betearazteko Erregelamendua onesten duena. 3. artikulua.
• 17/2005 Foru Legea, Nafarroako Ehizari eta Arrantzari buruzkoa. 10. artikulua.