Profesionalki hondakinak garraiatzen dituzten pertsona fisikoak edo juridikoak, sozietatearen helbidea Nafarroan dutenak. Garraio hori berezko jarduera izan daiteke (zerbitzu publikoa), edo jarduera nagusiaren osagarria (zerbitzu pribatu osagarria), hala nola, hondakinen kudeatzaileak.

Oharra: hondakin arriskutsuen edo ez-arriskutsuen garraio lanak egiten dituzten pertsona fisikoak edo juridikoak, haien sozietatearen helbidea Nafarroatik kanpo baldin badute, dagokien Autonomia Erkidegoan erregistratuta egon beharko dira.

Erregistroan alta emateko

• Erregistroko alta-inprimakia, guztiz beteta. Inprimakiko datu guztiak nahitaezkotzat jotzen dira, berariaz bestelakorik adierazten ez bada. 
• Identifikazio fiskaleko txartelaren kopia sinplea.
• Nafarroako Gobernuko Garraio Zerbitzuak salgaien garraio-zerbitzurako enpresari emandako baimenaren kopia sinplea (ez ibilgailuena), zerbitzu publiko edo pribatu osagarri gisa.
• Aurreko baimena eduki ezean:
  • Erakundeak hondakinen ekoizle edo kudeatzaile gisa erregistratutako instalazioa badu, ibilgailu bakoitzaren zirkulazio-baimenaren kopia sinplea aurkeztu beharko du, eta ondoren instalazioaren NIMA adierazi.
  • Erakundeak ez badu hondakinen ekoizle edo kudeatzaile gisa erregistratutako instalaziorik, ibilgailu bakoitzaren zirkulazio-baimenaren kopia sinplea eta enpresak EJZn salgaien garraiolari gisa alta eman izanaren kopia sinplea aurkeztu beharko ditu.

Aldaketa edo baha erregistroan

• Erregistroan baja emateko/aldaketa egiteko inprimakia

Eranskina: Datu pertsonalen babesari buruzko informazioa.

7/2022 Legea, Hondakinen eta lurzoru kutsatuen ekonomia zirkular baterako.