• Honako hauetan jasotako prestakuntza programak eskaintzen dituzten industria segurtasunaren arloko prestakuntza entitateei zuzendua:
  • 836/2003 Errege Dekretua, jasotze eta mantenurako gailuen erregelamenduaren "MIE-AEM-2" jarraibide tekniko osagarri berri bat onesten duena, obretarako eta bestelako aplikazioetarako dorre garabiei buruzkoa. VI. eranskina, 4. apartatua.
  • 837/2003 Errege Dekretua, jasotze eta mantenurako gailuen Erregelamenduaren "MIE-AEM-4" jarraibide tekniko osagarriaren testu aldatua eta bategina onesten duena, garabi mugikor autopropultsatuei buruzkoa. VII. eranskina, 4. puntua.
  • 1027/2007 Errege Dekretua, eraikinetako instalazio termikoei buruzko erregelamendua onesten duena. 3. eranskina.
  • 513/2017 Errege Dekretua, suteen kontra babesteko instalazioen erregelamendua onesten duena.
• Profesionalak.

Baimendutako edo ziurtatutako entitateak entitate laguntzaile gisa hartuko dira, eta agiri profesionalak, gaikuntzak eta ziurtagiri pertsonalak eskuratzeko prozeduren tramitazioan ere parte hartuko dute.

Prestakuntza entitatearen aitorpenak balio mugagabea izanen du, baldin eta hura eskuratzeko baldintzak mantentzen badira.

Hemen ikus ditzakezu prestakuntza zentroak.

Prozeduraren urratsak:

• Enpresari edozein unetan eskatzen ahalko zaio administrazioaren aurrean aurkezteko baldintzak betetzen dituela ziurtatzen duten agiriak, horiek egiaztatu, ikuskatu eta kontrolatzeko.
• Administrazioak ofizioz emanen du enpresen izena prestakuntza entitateen erregistroan.

• Suteen kontrako prestakuntza espezifikoa ematen duten entitateek, izan dorre garabiaren, garabi mugikor autopropultsatuaren zein eraikinetako instalazio termikoen agiria eskuratzeko, honakoak aurkeztu beharko dituzte:
  • Erantzukizunpeko adierazpena.
  • Inskripzio tasa ordaindu delako egiaztagiria (30 euro).
• Gas fluoratuak manipulatzeko prestakuntza zentroek administrazio eskudunaren baimena jaso beharko dute: tramitazio horretarako sarbidea.

291/2011 Foru Agindua, Nafarroako Foru Komunitatean industria segurtasunaren arloko profesionalak ziurtatzeko eta prestakuntza entitateak aintzatesteko prozedura arautzen duena.