• Fabrikatzaileak: Estatuak ezarritako kontrol metrologikoaren mendeko neurketa-tresnak edo-sistemak fabrikatzen, inportatzen, merkaturatzen edo    errentamenduan uzten dituzten pertsona fisiko edo erakundeentzat.
   
• Izendatutako erakundeak:  Adostasunaren ebaluazioak egiten dituzten erakundeak edo Estatuaren kontrol metrologikoaren exekuzioarekin lotura duten egiaztapenak egiten dituztenak.
   
  • Merkaturatze eta abiarazte aldian aritzen diren erakundeak (jakinarazitako erakundeak eta kontrol metrologikorako erakundeak).
  • Zerbitzuan dauden tresnen fasean aritzen diren erakundeak (aldizkako egiaztapena eta zerbitzuan dauden neurketa-tresnak konpondu edo aldatu ondorengoa).
  • Egiaztapen metrologikoa egiteko baimendutako erakundea.
     
• Konpontzaileak: Estatuak ezarritako kontrol metrologikoaren mendeko neurketa-tresnak konpontzen dituzten pertsona fisikoak eta juridikoak.

Administrazio publiko eskudunak identifikaziorako kode alfanumerikoa esleituko die eta fabrikatzaileek, izendatutako erakundeek eta erakunde konpontzaileek hori erabili beharko dute beren esku-hartzearen ondorioz igorritako dokumentu guztietan.

Izapidea egin ondoren, eskatzaileari bidaliko zaio Kontrol Metrologikoaren Erregistroan inskribatu izanaren ziurtagiria.

Inskripzioen indarraldia mugagabea izanen da.

Jarduketa-eremua Espainia da guztientzat, jakinarazitako erakundeentzat eta fabrikatzaileentzat izan ezik, haientzat Europar Batasuna izanen baita.

Fabrikatzaileak

• Eskaera aurkeztu.
• Sartu nortasun-agiri nazionalaren zenbakia, identifikazio fiskaleko zenbakia edo agiri baliokideak.
• Eskaeraren “Oharrak” atalean, zehaztu zein diren fabrikatzen, inportatzen, merkaturatzen edo lagatzen dituzten Estatuaren kontrol metrologikoaren mendeko tresnak.
• Erantsi inskripzio-ziurtagiria egiteagatiko tasak ordaindu izanaren frogagiria.

Izendatutako erakundeak (kontrol metrologikoaren faseetan esku hartzen duten erakundeak: jakinarazitako erakundeak, kontrol metrologikoa egitekoak edo egiaztapen metrologikorako baimendutakoak)

• Eskaera aurkeztu.
• Sartu nortasun-agiri nazionalaren zenbakia, identifikazio fiskaleko zenbakia edo agiri baliokideak .
• Eskaeraren “Oharrak” atalean, zehaztu izendapenaren irismena. Horrek datza adostasuna edo egiaztapena ebaluatzeko jardueren deskribapenean, adostasuna edo egiaztapen mota ebaluatzeko moduluaren edo moduluen deskribapenean, eta neurketa-tresnaren eta neurketa tarte posibleen deskribapenean.
• Erantsi Egiaztatze Erakunde Nazionalaren (EEN) egiaztagiria.
• Erantsi inskripzio-ziurtagiria egiteagatiko tasak ordaindu izanaren frogagiria.

Neurketa-tresnak konpontzen duten pertsona fisiko edo juridikoak

• Aurkeztu eskaera.
• Sartu nortasun-agiri nazionalaren zenbakia, identifikazio fiskaleko zenbakia edo agiri baliokideak.
• Erantsi erantzukizunpeko adierazpena.
• Erantsi inskripzio-ziurtagiria egiteagatiko tasak ordaindu izanaren frogagiria.

• Legeria autonomikoa:
  • 294/2012 Foru Agindua, Nafarroako Foru Komunitateko kontrol metrologikoaren antolamendua ezartzen duena.
     
• Legedi orokorra:
  • ICT/155/2020 Agindua, Estatuak zenbait neurketa-tresnari ezarritako kontrol metrologikoa arautzen duena.
  • 2017ko Ebazpena, Industria eta Enpresa Txiki eta Ertainen Idazkaritza Nagusiak emana, zeinaren bidez 1/2017 Gidalerroa argitaratzen baita jakinarazitako erakundeak izendatu eta kontrolatzeko, baita kontrol metrologikoa egiteko erakundeak eta egiaztapen metrologikoa egiteko baimendutako erakundeak ere.
  • 244/2016 Errege Dekretua, 32/2014 Legea garatzen duena.
  • 32/2014 Legea, Metrologiari buruzkoa.
     
• Kontrol metrologikoari buruzko legedia: eskuragarri dago Espainiako Metrologia Zentroan.

• Espainiako Metrologia Zentroan erregistratutako erakundeen bilatzailea
• Nafarroan erregistratutako enpresen bilatzailea
• Nafarroan lan egiteko asmoa adierazi duten egiaztapen metrologikoa egiteko baimendutako erakundeen zerrenda