Derrigorrezko Bigarren Hezkuntzako Sari Bereziak 2025-2026

2025-2026 ikasturtean ikasketa horiek Nafarroan bukatu dituzten ikasleendako, espediente onenak dituztenendako

Behin betiko kalifikazioak, erreklamazioen akta eta saria jasotzeko hautagaiak argitaratu dira (Tramitazio atala)

Oinarrizko informazioa

Honako baldintza hauek betetzen dituzten ikasleendako:

  • Derrigorrezko Bigarren Hezkuntza (DBH) osoa Espainiako ikastetxeetan egin izana, dela araubide presentzialean, dela urrutiko araubidean, maiatzaren 3ko 2/2006 Lege Organikoaren esparruan ezarritako aukeretako edozeinetan.
  • Ikasketa horiek 2025-2026 ikasturtean bukatu izana Nafarroako ikastetxe batean, etapako irakasgai guztiak gaindituta izanik amaierako ebaluazio arruntean.
  • DBHko lau ikasmailak osotara hartuta, 8,50eko edo gehiagoko batez besteko nota izatea. Batez besteko nota ateratzeko, DBHko lau ikasmailetako irakasgai guztietako kalifikazioak hartuko dira aintzat, eta batezbesteko hori hurbilen dagoen ehunenean biribilduko da, eta goitik eta behetik distantzia berberera baldin badago, goiko ehunenean biribilduko da. Kalkulu horretan, ez dira kontuan hartuko "gai", "salbuetsia" edo "baliozkotua" adierazten duten kalifikazioak.
  • DBHko azken ikasmailan, “bikain” lortu izana probaren xede diren irakasgaien azken kalifikazioan: Gaztelania eta Literatura, edo Euskal Hizkuntza eta Literatura D ereduan, Atzerriko Lehen Hizkuntza eta Matematika.

Derrigorrezko Bigarren Hezkuntzako Sari Berezia eskuratzen duten ikasleek Hezkuntza Departamentuaren aintzatespen ofiziala jasoko dute eta horren berri emanen da ikasketa espediente pertsonalean. Sari berezi bakoitzak 250 euro diru-zuzkidura izanen du.

  • Ikasleek NANarekin edo egoiliarraren identifikazio-txartelarekin batera aurkeztu beharko dute eskaera (deskargatu eta bete Izena emateko eskabidea), 2026ko irailaren 15eko 14:00ak baino lehen, DBHko 4. maila egin duen Bigarren Hezkuntzako ikastetxean.
  • Bigarren Hezkuntzako institutuetako idazkariek Hezkuntzako Ikuskapen Zerbitzura bidaliko dituzte beren eskuetan dituzten inskripzioak eta ziurtagiri akademikoak, on line, orri honetako izapideak egiteko botoiaren bidez, 2026ko irailaren 21eko 14:00ak baino lehen.

532/2026 Ebazpena, sarien deialdia onesten duena.

Emaitzak

Behin betiko zerrendak (argitalpen-data: 2026/10/09):

Behin-behineko zerrendak (argitalpen-data: 2026/09/29):

Behin betiko kalifikazioak (argitalpen-data: 2026/10/29):

Behin-behineko kalifikazioak (argitalpen-data: 2026/10/23):

Harremanetan jartzeko

Hezkuntzako Ikuskapen Zerbitzua
San Domingo kalea, 8
31001 Iruña
Telefonoa: 848 426 542
Posta elektronikoa: sie/hiz@navarra.es

Oharra: orrialde honen edukia informazio hutsa da; baldintzak dagokion araudian argitaratutakoak dira.