Pertsona fisikoak edo juridikoak, nekazaritzan jarduten direnak eremu kutsagarrietan.

Kutsaduragatik zaurgarri izendatutako eremuak:

A) 1. eremua: Errioxa-Mendabia alubiala. Mendabiako udalerriko nekazaritza lurzatiak, baldin eremu kutsagarriaren inguratzailearen barnean badaude.

B) 2. eremua: Ebroko alubiala. Udalerri hauetako nekazaritza lurzatiak: Ablitas, Arguedas, Azagra, Errege Bardea, Buñuel, Cabanillas, Cadreita, Caparroso, Cascante, Castejón, Corella, Cortes, Fontellas, Funes, Fustiñana, Martzilla, Milagro, Murchante, Murillo el Cuende, Erriberri, Azkoien, Ribaforada, San Adrián, Santakara, Tutera, Valtierra eta Alesbes, baldin eremu kutsagarriaren inguratzailearen barnean badaude.

C) 3. eremua: Zidakos ibaiaren arroa. Udalerri hauetako nekazaritza lurzatiak: Añorbe, Artaxoa, Barasoain, Beire, Biurrun‑Olkotz, Caparroso, 106. fazeria, 107. fazeria, Garinoain, Leotz, Lerga, Murillo el Cuende, Noain, Erriberri, Oloritz, Orisoain, Pitillas, Puiu, San Martin Unx, Santakara, Tafalla, Tirapu, Uxue eta Untzue. Haien maldak Zidakos ibaira doazen erreka-zulo eta ibilguetara eramaten du azaleko ura.

D) 4. eremua: Robo ibaiaren arroa. Udalerri hauetako nekazaritza lurzatiak: Adios, Añorbe, Biurrun‑Olkotz, Zizur, Eneritz, Galar, Legarda, Muruzabal, Obanos, Gares, Tirapu, Ukar eta Uterga. Haien maldak Robo ibaira doazen erreka-zulo eta ibilguetara eramaten du azaleko ura.

Nekazaritzako nitratoez kutsa daitezkeen eremuen mugak hemen daude argitaratuta: Nafarroako Datu Espazialen Azpiegituran (IDENA).

Eremu kutsagarri horietan nahitaez bete beharko dira dagozkion jarduketa-programetan ezarritako neurriak, eta horien artean dago, besteak beste, ongarrien aplikazioaren erregistroa.

Kutsa daitezkeen eremuetan kokatutako nekazaritza ustiategietako titularrek ustiategiko liburua izanen dute, eta bertan erregistratuko dituzte ongarritze planak eta praktikak, laboreen araberakoak.

• 91/676/EEE Zuzentaraua, urak nekazaritzan erabilitako nitratoek eragindako kutsaduratik babesteari buruzkoa.
• 261/1996 Errege Dekretua, ura nekazaritzan erabilitako nitratoek eragindako kutsaduratik babesteari buruzkoa.
• 220/2002 Foru Dekretua, uraren bitartez, nekazaritzako nitratoez kutsa daitezkeen eremuak izendatu eta dagokien jarduketa programa onesten duena.
• 1999ko azaroaren 22ko Foru Agindua, Nafarroako Nekazaritzako Praktika Egokien Kodearen onespena argitara ematen duena.
• 240/2009 Foru Agindua, nekazaritza lanetako nitratoek ura kutsatzen ahal duten eremuetarako jarduketa programa onesten duena.
• 247/2018 Foru Agindua, nekazaritzako nitratoez ura kutsatua izan dezaketen eremuak berrikusi eta 2018-2021 aldirako jarduketa programa onesten duena.
• 147E/2020 Foru Agindua, zeinaren bidez berrikusten baitira nekazaritzako nitratoez ura kutsatua izan dezaketen eremuak eta aldatzen baitira 2018-2021 aldirako jarduketa programak.