• 18 urtetik gorakoak eta 65 urtetik beherakoak, baldin eta % 65eko edo hortik gorako desgaitasuna edo gaixotasun kronikoa badute.
• Espainiako lurraldean gutxienez bost urtez bizi izan direnak, horietako bi urte justu eskaera egin aurrekoak.
• Diru-sarreren urteko zenbatekoak ezin du gainditu Estatuko Aurrekontu Orokorren Legean urtero ezarritako zenbatekoa.
• Eskatzailea bizi baldin bada berarekin ezkontza bidez edo bigarren mailarainoko odol-ahaidetasunaren bidez lotutako beste pertsona batzuekin, diru-sarrera horien baturak ez du gainditu behar ezarritako baliabideen muga.

• Nafarroako Foru Komunitateari transferituta dago.
• Zenbatekoa urtero aldatzen da Gizarte Segurantzaren pentsioen errebalorizazioarekin.
• Jaso beharreko zenbatekoa baremoaren araberakoa da (eskatzailearen diru-sarrerak, bizikidetzako unitate ekonomikoaren diru-sarrerak, odol-ahaidetasuna, etab.).
• Pentsioaren onuradunek eskubidea daukate Gizarte Segurantzako araubide orokorreko osasun eta farmazia laguntza jasotzeko.
• Osagarri bat dago beste pertsona bat behar izateagatik. Horretarako, beharrezkoa da % 75eko desgaitasuna edo handiagoa izatea eta 15 punturekin baino gehiagorekin gainditzea hirugarren pertsonaren premiaren baremoa. Osagarria pentsioaren zenbatekoaren % 50 da.

Informazio gehiago.

Prozeduraren urratsak:

• Behin eskaera ailegatuta kotizazio gabeko prestazioen eta babes sozialeko bestelako neurrien atalera, egiaztatuko da espedientean sartutako dokumentazioa den hura ebazteko eskatu dena.
• Dokumentazioa nahikoa ez bada edo okerra bada, behar den informazioa eskatuko zaie interesdunari edo erakunde ofizialei.
• Dokumentazio guztia lortu denean, espedientea ebatziko da, baremoa eta legeria aplikatuta, eta hartutako ebazpenaren kopia bidaliko zaio interesdunari. Adieraziko zaio zer epe dagoen eta zer erakundetara jo behar den, ebazpenarekin ados egon ezean.

• Berariazko inprimakian dagoen eskabidea, behar bezala betea.
• Errolda-ziurtagiriak, egiaztatzen dutenak kotizazio gabeko baliaezintasun pentsioa ordaintzeko eskatzen den antzinatasuna.
• Bizikidetza ziurtagiria.
• Eskatzailearen NANaren fotokopia eta harekin bizi diren kide guztiena. Atzerritarra izanez gero: pasaportearen fotokopia konpultsatua eta txartelarena, Espainiako bizileku-baimen edo egiaztagiriarena, hala egungo bizilekuari nola alegatzen diren aldiei dagokienez.
• Ezintasuna izanez gero, legezko ezgaitzearen ebazpen judiziala eta tutorea izendatzekoa.
• Eskatzailearen diru-sarreren frogagiria, eta, hala badagokio, bizikidetzako unitate ekonomikoarena.
• % 65eko edo gehiagoko desgaitasunaren ziurtagiria. Ziurtagiria eskatu.
• Transferentzia bidez ordaintzeko eskaera, banku entitateak betea.

• 8/2015 Errege Lege Dekretua, Gizarte Segurantzaren Legearen testu bategina (2015eko 261. EAO, urriaren 31koa).
• 357/1991 Errege Dekretua, martxoaren 15ekoa (1991ko 69. EAO, martxoaren 21ekoa).
• 3113/2009 Foru Agindua, azaroaren 13koa (2009ko 280. EAO, azaroaren 20koa).