Pertsona fisikoen errentaren gaineko zergaren subjektu pasiboak, enpresa- edo lanbide-jarduerak egiten dituztenak.

• Errentak eratxikitzeko araubideko entitateek enpresa- edo lanbide-jardueretan lortutako etekinei dagokien ordainketa zatikatua bazkide, erkide edo partaide bakoitzak egingo du, erakundearen errentaren eratxikipenaren proportzioan.
• Subjektu pasiboek ez dute konturako ordainketarik egin beharrik izango atxikipenaren menpeko jarduera hauengatik: nekazaritza, abeltzaintza, basogintza, salgaien errepide-garraioa eta aldaira zerbitzuak.

Gainera, ondoko baldintzetako bat betetzen duten subjektu pasiboek ez dute 130. eredua aurkeztu beharko, baldin eta lehenengo modalitatea aplikatzen badute:

• Azken-aurreko urteko etekin garbia 6.500 euro edo gutxiago izatea.
• Lehen modalitatea aplikatzean ordainketa zatikatua (hiru hilez behin ordaindu beharrekoa) 100 euro baino gutxiago izatea.

Formularioan sartzean, lehenengo modalitatea edo bigarrena aukeratu beharko duzu:

• Lehenengo modalitatea ezin da aplikatu jardueraren lehenengo bi urteetan, eta, hirugarren urtetik aurrera, automatikoki aplikatuko da, subjektu pasiboak arauzko epean uko egiten ez badu.
• Bigarren modalitatea nahitaezkoa da jardueraren lehenengo bi urteetan, baita emaitza 0 edo negatiboa bada ere. Hirugarren urtetik aurrera aukerakoa izango da; modalitate hau aplikatzeko, epearen barruan aukeratu behar da.

Bigarren modalitatea hautatzen baduzu, zure zenbatespen-araubideari dagozkion laukiak bete beharko dituzu. Hiru araubide daude:

• Zuzeneko zenbatespen arrunta: aurreko urteko negozio-zifraren zenbateko garbia 600.000 eurotik gorakoa bada aplikatuko da.
• Zuzeneko zenbatespen erraztua: aurreko urteko negozio-zifraren zenbateko garbia 600.000 eurotik gorakoa ez bada aplikatuko da.
• Zuzeneko zenbatespen berezia. Bi kasutan aplikatuko da: 
  • Nekazaritza, abeltzaintza, basogintza edo arrantzako jardueren kasuan, aurreko urteko negozio-zifraren zenbateko garbia 300.000 eurotik gorakoa ez bada.
  • BEZean baliokidetasun-errekarguaren araubide berezia edo araubide berezi erraztua duten jardueren kasuan, aurreko urteko negozio-zifraren zenbateko garbia 200.000 eurotik gorakoa ez bada.

• PFEZren Testu Bategina, 36. artikulua eta 60. eta 61. xedapen gehigarriak.
• PFEZren Erregelamendua, 91.-94. artikuluak.
• 40/2009 Foru Agindua, 130 eredua.