Kenkari fiskalaren aurrerakina, gutxienekorako osagarrietarako eskubidea duten alarguntza-pentsioengatik/SOVIko alarguntza-pentsioengatik
Kenkari fiskalaren aurrerakina, gutxienekorako osagarrietarako eskubidea duten alarguntza-pentsioengatik/SOVIko alarguntza-pentsioengatik
Hileroko laguntza ekonomikoa da, eta lehengo SOVI-Zahartzaroko eta Baliaezintasuneko Nahitaezko Aseguruko alarguntza-pentsioa dutenek jaso dezakete, bai eta gutxienekorako osagarrietarako eskubidea aitortua duten alarguntzako pentsiodunek ere, betiere pentsioaren urteko zenbateko gordinak ez badu gainditzen, Estatuko edo atzerriko bestelako pentsioei batuta (halakorik baldin badute), urtean ezarritako gehieneko zenbatekoa.
1. Gutxienekorako osagarrietarako eskubidea aitortua duten alarguntzako pentsiodunak.
2. Lehengo SOVI-Zahartzaroko eta Baliaezintasuneko Nahitaezko Aseguruko alarguntza-pentsiodunak
Baldintza hauek betetzen badituzte:
Eskabidea egin aurreko 6 hilabeteetan (180 egun), gutxienez, Nafarroan erroldatua egon izana.
Alarguntza-pentsioaren eta aitortuak dituen Estatuko edo atzerriko bestelako pentsioen urteko baturak ez gainditzea ezarritako zenbatekoa: 2026an, 15.400 euro da.
Amatasunagatiko osagarria edo genero arrakalagatiko osagarria aitortuak izanez gero, horien urteko batura ez izatea aurrerakinaren zenbatekoa baino handiagoa, edo aldea ez izatea 240 euro baino txikiagoa. 2026an, hauek dira urteko zenbatekoak:
Pentsio mota - Adin taldea
Urteko zenbatekoa (euro)
65 urteko titularra edo % 65eko edo gehiagoko desgaitasuna duena
2.293,20
60-64 urte bitarteko titularra
3.137,40
60 urte baino gutxiagoko titularra
5.468,40
SOVIko alarguntza
7.005,60
Bateraezintasuna
Aurrerakin fiskala bateraezina da honako hauekin:
Errenta bermatuaren prestazioa jasotzea, zeina arautzen duen azaroaren 11ko 15/2016 Foru Legeak (gizarteratzeko eta errenta bermaturako eskubideak arautzen dituena).
Bizitzeko gutxieneko diru sarrera jasotzea, zeina arautzen duen abenduaren 20ko 19/2021 Legeak.
Bi kasuetan, onuraduna eskatzailea bera delako edo prestazioaren onuradun den bizikidetza-unitate bateko kide delako.
Deskribapena keyboard_arrow_down
Kenkari fiskala aurreratzeaz Nafarroako Foru Ogasuna arduratzen da, eta Eskubide Sozialetako Departamentuak kudeatzen du. Aurrerakina kenkari fiskalarena denez, alarguntza-pentsioa jasotzen duenak kenkari horretarako eskubidea baldin badu, aurrerakina ez eskatuta ere kenkaria berdin izanen du errenta-aitorpena egindakoan.
Zenbatekoa hauxe izanen da: dena delako pentsio motarako ezarritako urteko gutxieneko zenbatekoaren (hala badagokio, horri testu bateginaren 60. artikuluan araututako amatasunagatiko osagarria batuta) eta urtero ezarritako diru sarreren mugaren arteko aldearen hamabirena.
Alarguntza-pentsioa Estatuko edo atzerriko beste pentsio batzuekin batera jasotzen denean, bi hauen arteko aldea izanen da kenkaria: jasotako pentsio guztien batura (amatasunagatiko osagarria barne) eta urtero ezarritako diru sarreren muga.
Ordaindu beharreko zenbatekoa urtean 240 euro baino gutxiago bada, ez da ordainketa aurreratua aplikatuko, eta kenkaria PFEZaren urteko kanpainan aplikatuko da.
Prozeduraren urratsak
Eskabidea Babes Sozialaren eta Garapenerako Lankidetzaren Zuzendaritza Nagusian jasotakoan (Kotizazio Gabeko Prestazioen eta Babes Sozialerako Bestelako Neurrien Atalean), egiaztatuko da ea aurkeztutako dokumentazioa nahikoa den eskabidea baloratzeko eta ebazteko.
Dokumentazioa nahikoa ez bada edo okerra bada, falta den informazioa eskatuko zaie interesdunari edo erakunde ofizialei.
Dokumentazio guztia eskura izandakoan, espedientea ebatziko da, aplikatu beharreko baremoa eta legeria aplikatuta, eta hartutako erabakia interesdunari edo ordezkariari bidaliko zaio.
Interesduna erabakiarekin ados ez badago, ebazpenean bertan ikusten ahalko du zein epe dituen eta zein erakundetara jo behar duen erreklamazioa egiteko, hala nahi izanez gero.
Onartu eta gero, urteko edozein unetan, interesdunaren egoera ekonomikoa aldatzen baldin bada, horren berri jakinarazi beharko du, behar den dokumentazioa aurkeztuta.
Atzerriko pentsioak jasotzen badira, eskabidea egin den urtean emandako zenbatekoaren ziurtagiria, erakunde eskudunak emana.
Araudia keyboard_arrow_down
17/2025 Foru Legea, zenbait zerga aldatu eta beste tributu neurri batzuk hartzekoa, zeinak aldatu egiten duen 4/2008 Foru Dekretuaren bidez onetsitako Pertsona Fisikoen Errentaren gaineko Zergari buruzko Foru Legearen testu bateginaren 68A 1.3 artikulua.
Gutxienekoen alarguntza-pentsioen kasuan, legeak ezarritako gutxienekora iristen ez diren kontribuziopeko pentsioei gehitzen zaien osagarria dela-eta, 8/2015 Legegintzako Errege Dekretuak onartutako Gizarte Segurantzaren Lege Orokorraren testu bateginaren 59. artikuluan dago ezarrita.
SOVIko alarguntza-pentsioen kasuan, 8/2015 Legegintzako Errege Dekretuak onartutako Gizarte Segurantzaren Lege Orokorraren testu bateginaren bigarren xedapen iragankorra.
Oinarrizko arretako zentroak, gizarte langileen bidez
Harremanetan jartzeko
Kotizazio gabeko Prestazioen eta Babes Sozialerako bestelako Neurrien Atala
González Tablas kalea, 7
31005 Iruña
Telefonoa: 848 426 900
Posta elektronikoak: info.derechossociales@navarra.es / nepen@navarra.es
info
Oharra: orrialde honen edukia informazio hutsa da; baldintzak dagokion araudian argitaratutakoak dira.