Enpresa handiei edo sozietate-taldeei energia-auditoretza egin beharko zaie lau urtean behin, aurreko energia-auditoretzaren datatik zenbatzen hasita, eta auditoretza horrek estali beharko du, gutxienez, lurralde nazionalean kokatuta dauden eta enpresa eta talde horiek beren jarduera ekonomikoaren garapenean kudeatzen dituzten industria-, merkataritza- eta zerbitzu-jardueren parte diren instalazio guztien azken energia-kontsumo osoaren %85. Auditoretza hori 2016ko azaroaren 13a baino lehen egin behar da, betiere aldez aurretik lau urte baino gutxiagoko epean egin ez bada.
Energia-auditoretzak egitera behartuta dauden enpresek, eta, beren borondatez, gainerako enpresek, fitxa honetan eskuragarri dagoen ereduaren araberako jakinarazpena bidali behar diote Nafarroako Gobernuari.
Nafarroako Gobernuak jakinarazpen hori igorriko dio Industria, Energia eta Turismo Ministerioko Energia Politikako eta Meatzeetako Zuzendaritza Nagusiari, Energia Auditorien Administrazio Erregistroan inskriba dezan.
Auditoriak 56/2016 Errege Dekretuaren 3. artikuluan ezarritako gutxieneko irismena eta edukiak bete behar ditu, eta, nolanahi ere, egilea behar bezala identifikatu behar du, titulazioa edo kualifikazioa barne, baita noiz egin den ere.
Ohiko galderen eta erantzunen dokumentua.