Gizarte Segurantzaren kotizazio gabeko erretiro edo ezintasun pentsioa duten pertsonak, betiere eskabidea egiten den egunean eta ebazpena ematen denean pentsioa aitortua badute eta honako baldintza hauek betetzen badituzte:

• Bere jabetzako etxebizitzarik ez izatea.
• Ohiko bizilekua alokatutako etxebizitza batean finkatua izatea.
• Eskabidea egin aurreko 180 egunetan, gutxienez, etxebizitza horretan bizi izana.
• Etxebizitzaren errentamendu kontratuaren titularra edo titularkidea izatea.
• Alokatutako etxebizitzaren errentatzailearekin ez izatea ezkontza harremanik edo hirugarren mailarainoko ahaidetasunik, ez ezkontzaren antzeko afektibotasun harremana den bizikidetza harreman egonkorrik.

Alokatutako etxebizitza berean kotizazio gabeko pentsioa duten bi pertsona edo gehiago baldin badira kontratuaren titularrak, horietako batek bakarrik izanen du osagarri horretarako eskubidea; ados jartzen ez badira, lehenengo agertzen denak.

Bateraezintasuna

Prestazio honek ez du inolako bateraezintasunik beste laguntza edo dirulaguntza batzuekin, ezta helburu bererako badira ere.

Osagarri honen zenbatekoa (urteko, laguntza bakarra) 525 euro da.

Informazio gehiago.

• Eskabidea berariazko inprimakian, behar bezala betea.
• Erroldatze agiria.
• Errentamendu kontratuaren kopia edo kontratuaren luzapenarena. Kontratua ahoz luzatu bada, azken ordainagiriaren kopia, kontratua indarrean dagoela erakusten duena.

1191/2012 Errege Dekretua, Gizarte Segurantzako kotizatu gabekoen modalitateko pentsiodunei etxebizitza alokatzeko pentsioaren osagarria aitortzeko arauak ezartzen dituena.