Genero-indarkeria pairatzen duten emakumeak, bakarrik daudenak edo beren seme-alaba adingabeekin edo tutoretzapean, kuradoretzapean, zaintzan edo harreran dauden beren ardurapeko pertsonekin.

• Prestazio bermatua eta doakoa da.
• Eskabidea NABIra bidalita eskuratzen da baliabide hori, eta Harrera Baliabideek, Gizarte Zerbitzuek edo Genero Indarkeriaren Biktimei Osoko Arreta emateko Taldeek (BOAT) txostena eginda.
• Egonaldiaren gehieneko denbora: 6 hilabete (3 hilabete gehiago luzatzen ahal da).
• Banakako suspertze-plana egitea eskaintzen du, eta horren barnean sartzen dira arreta psikologikoa eta soziala, lege-prozeduran laguntzea eta prestakuntza- eta lan-egoerari, etxebizitzari, amaren eta seme-alaben arteko harremanei eta abarri heltzea.

Prozeduraren urratsak:

Nafarroako Berdintasunerako Institutuak harrera-etxean sartzea baloratuko du, erakunde eskatzaileak proposatuta.

• Instantzia orokorra, behar bezala betea.
• Eskabidea eta erakunde eskatzaileak egindako txosten soziala NABIri aurkeztu behar zaio.

• 14/2015 Foru Legea, emakumeen kontrako Indarkeriari aurre egiteari buruzkoa.
• 69/2008 Foru Dekretua, Gizarte Zerbitzu Orokorren Zorroa onesten duena.
• 16/2007 Foru Dekretua, indarkeria sexistaren aurkako neurri integralak hartzeari buruzko uztailaren 2ko 22/2002 Foru Legea garatzeko erregelamendua onesten duena.