0-3 urteko haurrei eta haien familiei zuzendutako zerbitzua, baldintza hauek betetzen badituzte:

• Nafarroan bizi izatea.
• Garapenaren edozein zailtasun, alterazio edo nahasmendu izatea edo horrelakorik izateko arriskuan egotea.
• Baldintzak, ordutegiak eta erregulartasuna onartzeko familiaren konpromisoa.

Zerbitzua integrala da, lan egiten delako familiekin (beren eskumenetatik) eta adingabearekin esku hartzen duten pediatrekin, haur-eskolekin edo harekin dauden beste pertsona batzuekin koordinatuta.

Alde batetik, adingabearen bilakaera pertsonala hobetu nahi da, familia-gaitasunak indartuz. Bestetik, adingabearen gaitasunak eta gizarte-ingurunean duen parte-hartzea sustatu nahi dira.

Ezaugarriak:

• Zerbitzu prebentiboa da, beraz, ez dago desgaitasun-maila aitortuta izan beharrik. Gainera, zerbitzu integrala da eta inplikatutako sektore guztien jarduketak koordinatzen dira: Osasuna, Hezkuntza eta Gizarte Zerbitzua.
• Atentzio anbulatorio bermatua ematen da urteko lanegun guztietan, astelehenetik ostiralera, udalerri hauetan: Iruña eta Iruñerria, Iparraldea, Altsasu, Tafalla, Lizarra, Zangoza eta Tutera.
• Programaren hasierako fasean harrera eta lehen balorazioa eginen da, baita arreta plan pertsonalizatua diseinatu ere. Honek laguntza arloko premiak, xedeak, egin beharreko jarduerak eta haien intentsitatea jorratu beharko ditu.
• Era berean, haurraren garapen ebolutiboaren eta familia-egoeraren jarraipena eginen da, baita esku-hartze mediko, psikologiko eta sozialarena ere, sei hilean behin.
• Doako zerbitzua da, eta zerbitzu eta laguntza guztiekin bateragarria.

Prozeduraren urratsak:

• Eskubidea aitortzen duen Ebazpenaren ondorioz, Banakako Esku-hartze Programa prestatzen da; programa horretan jasoko dira banakako balorazioan oinarritutako beharrezko helburuak eta jarduketak.
• Laguntza Goiztiarreko Zentroak garatuko du Programa hori, Haur Garapeneko eta Laguntza Goiztiarreko Unitateen (HGLGU) bitartez. Zerbitzuarekin hasi aurretik, adingabearen tutorearekin adostuko dira edukiak eta ordutegiak, eta dagozkion baldintzak onartzeko agiria sinatuko da. Hilabete bateko epearen barruan emango zaio hasiera zerbitzuari.

Eskabide-orria edo bideratze-orria, beteta.

• 198/2019 Foru Dekretua, Nafarroako Arreta Goiztiarreko Sarea arautzen duena.
• 94/2019 Foru Agindua, Eskubide Sozialetako Departamentuaren Arreta Goiztiarreko Zerbitzua arautzen duena.
• 69/2008 Foru Dekretua, Gizarte Zerbitzu orokorren zorroa onesten duena.