Enplegu-agentziak erakunde publiko zein pribatuak dira, irabazi-asmodunak zein irabazi-asmorik gabekoak, eta lan-bitartekotzako jarduerak egiten dituzte, enplegu-zerbitzu publikoekin koordinaturik eta, hala behar bada, haiekin lankidetzan. Helburu hau dute:
- Beren ezaugarrietara egokituriko enplegua ematea langileei.
- Beren eskakizun eta premietarako langilerik egokienak aurkitzen laguntzea enplegatzaileei.
Horrez gain, enplegua bilatzearekin loturiko jarduerak garatzen ahal dituzte, hala nola orientazio eta informazio profesionala ematea eta langileak hautatzea.
Enplegu-agentzia gisa jardun nahi duten pertsona fisiko edo juridikoek erantzukizunpeko adierazpena aurkeztu behar dute aldez aurretik.
Enplegu-agentziek erantzukizunpeko adierazpena aurkezten duten egunetik jarduten ahal dute. Administrazio eskudunek agentziak egiaztatu, kontrolatu eta ikuskatu ditzakete.
Erantzukizunpeko adierazpenarekin batera edo hari erantsita doan funtsezko edozein datu, adierazpen edo dokumentu zehaztugabea edo faltsua izanez gero, agentziak ezin izanen du enplegu-agentzia gisa jarduten jarraitu, eta, gainera, dagozkion erantzukizun penal, zibil edo administratiboei egin beharko die aurre, halakorik balego.
Enplegu-agentzien betebeharrak eta jarduteko baldintzak.
Enplegu-agentzien zerrenda, jardun-eremuaren arabera.
Prozeduraren urratsak:
- Enplegu-zerbitzu publikoak alta emanen dio erakundeari enplegu-agentzien zerrendan, eta enplegu-agentziari dagokion zenbakia jakinaraziko dio.
- Enplegu-agentziaren zenbakia eskuratu ondoren, erakundeak honako hau bidali behar du enplegu-zerbitzu publikoen informazio sistemara (espazio telematiko amankomun bat da):
- Hilean behin: artatutako langile bakoitzaren informazioa, lan-kontratuaren data berariaz adierazita, halakorik egon bada, baita lan-kontratuei buruzko informazio metatua ere, jasotako eta betetako eskaintzei eta lanpostuei buruzkoa barne.
- Urtean behin eta urteko lehen hiruhilekoan: agentziak aurreko urtean eginiko jardueraren urteko memoriari buruzko informazioa, baita urtean metatutako fitxategia ere.