navarra.es
Castellano | Euskara | Français | English
Ezagutzera eman
84/2014 Foru Agindua, martxoaren 25ekoa, Lehendakaritza, Justizia eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen plantilla organikoa eta langile finkoen eta izendapen libreko ...
84/2014 FORU AGINDUA, MARTXOAREN 25EKOA, LEHENDAKARITZA, JUSTIZIA ETA BARNEKO KONTSEILARIAK EMANA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ETA LANGILE FINKOEN ETA IZENDAPEN LIBREKO ZUZENDARITZA KARGUETAN ARITZEN DIREN BEHIN-BEHINEKO LANGILEEN ZERRENDA, 2013KO ABENDUAREN 31KOAK, ARGITARATZEA XEDATZEN DUENA
(2014ko 91. NAOn argitaratutako testua, maiatzaren 13an. Akats zuzenketa, eranskinarena, azaroaren 28ko 234. NAOn)
Atarikoa
Uztailaren 27ko 100/2005 Foru Dekretuak, Nafarroako Foru Komunitateko Administrazioaren eta haren erakunde autonomoen plantilla organikoa onesten duenak, 2. artikuluko 1. idatz-zatian ezarri duenez, urtero, abenduaren 31ko egitura organikoaren eta egoeraren arabera, argitara emanen dira Nafarroako Foru Komunitateko Administrazioaren eta haren erakunde autonomoen plantilla organikoa eta funtzionarioen, lan-kontratudun finkoen, estatutupeko langileen eta izendapen libreko zuzendaritza karguetan aritzen diren behin-behineko langileen zerrenda.
Halaber, aipatu foru dekretuaren xedapen gehigarri bakarrak ezartzen du urtero argitara emanen direla Nafarroako Foru Komunitateko Administrazioari transferitutako Justizia Administrazioko zerbitzuei atxikitako langileen zerrenda eta hango plantilla organikoa, urte bakoitzeko abenduaren 31n dagoen egoeraren arabera.
Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz, agindu dut:
1. Argitara ematen da, 1. eranskinetik 4.era bitartekoen A) atalean, Nafarroako Foru Komunitateko Administrazioaren eta haren erakunde autonomoen zerbitzuko langileen plantilla organikoa, 2013ko abenduaren 31ko egoeraren araberakoa, honako hauek jasotzen dituena: funtzionarioek, lan-kontratudun finkoek, estatutupeko langileek eta izendapen libreko zuzendaritza karguetan aritzen diren behin-behinekoek betetzen dituzten lanpostuak, baita Nafarroako Gobernuko kideek eta beren kabineteetako langileek betetzen dituztenak ere.
2. Argitara ematen da, aipatutako eranskinen B atalean, Nafarroako Foru Komunitateko Administrazioaren eta haren erakunde autonomoen zerbitzuko funtzionarioen, lan-kontratudun finkoen, estatutupekoen eta izendapen libreko zuzendaritza karguetan aritzen diren behin-behineko langileen zerrenda, aipatutako plantilla organikoak 2013ko abenduaren 31n zeukan egoeraren araberakoa.
3. Argitara ematen da, 5. eranskin gisa, Nafarroako Foru Komunitateko Administrazioari transferitutako Justizia Administrazioko zerbitzuei atxikitako langileen zerrenda eta hango plantilla organikoa, 2013ko abenduaren 31ko egoeraren araberakoa.
4. Foru agindu hau Nafarroako Aldizkari Ofizialean argitaratzea.
|
Plantilla organikoa PDF artxiboan kontsulta daiteke. |
