ENTORNOS DE COLABORACIÓN - PCSitna

Toki erakundeen SITNA foroa 2017ko irailean eratu zen, honako hauek erakusteko tresna gisa: informazio geografikoaren erabilgarritasuna, SITNAk informazio horretaz egiten duen tratamendua, eta toki erakundeendako dakarren aukera.
Lurralde informazioa funtsezko oinarria da erabakiak hartzeko eta politika publikoak formulatu eta gauzatzeko, batez ere toki eremuan, bertan ematen baitzaizkie herritarrei zerbitzu gehienak.

Nafarroako Foru Komunitatea Sistema Kartografiko Nazionalaren barruan dago, eta bertan ezartzen da kartografiaren, geodesiaren eta informazio geografikoaren arloko jarduketa esparru bateratua.

Lankidetza hitzarmen baten bidez, Nafarroako Gobernuak Tracasari enkargatu dio SITNA mantentzeko.

PCCS ataria web ingurunean oinarritutako plataforma bat da, diseinatu dena lurpeko kanalizazioen sareei buruzko informazio digitala eskuratzen laguntzeko eta bazkideen koordinazioa eta kudeaketa hobetzeko.
PCCS atariaren jarduera eremu geografikoak Nafarroako Foru Komunitate osoa hartzen du.

Nafarroako Gobernuaren eta Iruñerriko Mankomunitatearen artean sinatutako lankidetza hitzarmena, lurralde informazioa partekatzeko, informazio hori kudeatzeko tresnen garapenean parte hartzeko, informazioa zabaltzen laguntzeko eta esperientziak eta ezagutza elkarri trukatzeko.

Nafarroako Gobernuaren eta Iruñeko Udalaren artean sinatutako lankidetza hitzarmena, lurralde informazioa partekatzeko, informazio hori kudeatzeko tresnen garapenean parte hartzeko, informazioa zabaltzen laguntzeko eta esperientziak eta ezagutza elkarri trukatzeko.

Nafarroako Unibertsitate Publikoak informazio geografikoan interesa duten institutuak eta ikerketa taldeak ditu, eta, gainera, gai horrekin lotutako titulazioak ematen ditu.
Horregatik, NUPen eta SITNAren arteko lankidetza naturala dago aspalditik.