2025eko abuztuko berrikuntzak eta eguneraketak - PCSitna

Nafarroako Datu Espazialen Azpiegitura (IDENA) abuztuan eguneratu da, eta berritasun hauek ditu orain:

• Eguneko batez besteko trafiko intentsitatearen mapa eguneratu da, Herri-lanen eta Azpiegituren Zuzendaritza Nagusiak emandako informazioarekin.

• Nafarroako EuroVelo1 eta EuroVelo 3 geruzei buruzko informazioa eguneratu da, Turismo, Merkataritza eta Kontsumo Zuzendaritza Nagusiak emandako informazioari esker. Informazio geografikoa lurraren gaineko benetako trazadurara egokitu da.

• Ingurumenari eta biodibertsitateari buruzko informazioa eguneratu da, Ingurumen Zuzendaritza Nagusiak emandako informazioari esker:

  1. Nitratoekin kutsatzeko arriskua duten eremuak (2025) argitaratu da.

  2. Etxeko hondakinak uzteko zuzkiduren geruzen informazioa eguneratu da, hala nola Arropa eta oinetakoak, Etxeko obren hondakinak, Garbiguneak (finkoak eta mugikorrak), Pilak eta metagailuak, Konpostatze komunitarioa – Inausketa, eta Sukaldeko olio erabilia.

  3. Baso-inbertsio propioak (2018-2023) geruzaren informazioa eguneratu da.

  4. Su-gorrinarako (Erwinia amylovora) tanpoi-eremuak geruzaren informazioa eguneratu da.

  5. Baso-antolamenduak. Antolamenduan sartutako mendiak eta Antolamenduan sartutako larreak geruzaren informazioa eguneratu da.

  6. Mendi ziurtagiridunak geruzari buruzko informazioa eguneratu da. PEFC eta FSC ziurtagiridun mendiak.

  7. Uholde-eremuak. Errepikatze-denborak, Nafarroako Gobernuaren beste azterlan batzuk geruzaren informazioa eguneratu da.

• Abeltegiei buruzko informazioa eguneratu da, Nekazaritza eta Abeltzaintza Zuzendaritza Nagusiak emandako informazioari esker.

Aldaketa horiez gain, ohi bezala, erreferentziako beste geruza batzuk ere eguneratu dira, hala nola Katastroa eta Helbideak. Horiek Eraikuntzak geruzarekin batera argitaratzen dira INSPIRE zuzentarauaren datu-ereduen arabera (Cadastral parcels, Addresses eta Buildings).

Katastroari dagokionez, eguneratze hori “geruzaka” ere ikusgarri dago Foru Komunitate guztirako, shapefile eta geopackage formatuetan, eta osorik deskargatu daiteke Kartografiaren Gordailuan.