Informazio Orokorra

Kontsulta

Museoko liburutegiko funts bibliografikoa kontsultatzea librea da Museoko bilduma dokumentalean interesa duen edonorentzat. Obrak liburutegian kontsultatzen dira eta ezin da mailegatu liburutegitik kanpo. Zerbitzua astean behin bakarrik ematen da, ostegunetan. Beraz, aldez aurretik hitzordua hartzea gomendatzen da posta elektronikoaren bidez.

Erabilera arauak eta zerbitzuak

464/2011 Ebazpena, azaroaren 15ekoa, Kulturako zuzendari nagusiarena, "Julio Caro Baroja" Nafarroako Etnologia Museoko liburutegi espezializatua Nafarroako Liburutegi Sisteman sartzea onartzen duena

Online katalogoa

Gure funtsak Nafarroako Liburutegi Publikoen Sareko Katalogoaren parte dira, liburutegi espezializatu gisa.

Liburutegien arteko mailegua

Zerbitzu hori tokiko, estatuko edo atzerriko edozein liburutegitan eskatu ahal izango da.
Eskaera egin ondoren, eskaerarekin lotutako izapide guztiak liburutegi horretan bertan egin beharko dira (dokumentua jaso, itzuli, uko egin, etab.).
Mailegu-eskaerak aurrez aurre, telefonoz edo museoko liburutegiko e-mailez egingo dira. - Erakunde eskatzaileen arduradunak bere datu pertsonalak eta eskatutako dokumentuaren datuak aurkeztu beharko ditu.
Hartzaileak bere gain hartu beharko ditu bidalketa- eta itzulketa-gastuak.
Bidalketa postaz egingo da errenboltso bidez.
Maileguak hiru asteko iraupena izango du.
Dokumentua liburutegi hartzailearen instalazioetan kontsultatu beharko da.

Erakunde batek ez badu jarraitu nahi egin duen eskaerarekin, lehenbailehen jakinarazi beharko dio liburutegiari.

Beste zerbitzu batzuk

Informazio zerbitzua
Kontsulta-dokumentuetarako sarbidea
Artikuluak eta kapituluak digitalizatzea
Online katalogoa
Kontsulta aretoan
Argitalpenen trukea