Errekurtso idazkian agertu beharreko datuak
- Errekurtsoa aurkezten duen pertsonaren izena eta bi deitura eta, orobat, NAN/AIZ/pasaporte zenbakia.
- Jakinarazpenetarako helbidea.
- Telefonoa eta helbide elektronikoa (aukerakoa).
- Beste norbaiten izenean arituz gero, haren izen-deiturak eta identifikazio pertsonala.
- Inpugnaturiko egintzaren identifikazioa (egintza mota, data, toki entitatea eta organoa).
Errekurtso idazkiarekin batera aurkeztu beharreko agiriak
- Beste norbaiten izenean arituz gero, hura ordezkatzeko ahalmena egiaztatzen duen agiria. Pertsona fisikoen kasuan, ordezkatua Auzitegiaren Idazkaritzan bertaraturik eman daiteke ahalordea.
- Inpugnaturiko egintzaren kopia. Isiltasun administratiboaren kasuan, isiltasuna izan dela egiaztatzeko toki entitatean aurkezturiko eskaeraren edo errekurtsoaren kopia atxiki beharko da, zer egunetan aurkeztu zen adieraziz.
- Bere eskubide edo interesak babesteko egokitzat jotzen dituen dokumentu guztiak atxiki ditzake.
Errekurtso idazkiaren edukia
- Egitateak eta oinarri juridikoak: idatziz eta bereizirik azalduko dira errekurtsoaren oinarri diren egitateak eta oinarri juridikoak.
- Erregua: errekurtso idazkia egiten den erreguarekin bukatu behar da, betiere, errekurrituriko egintzaren gai zehatza aipatuz.
- Egokia dela uste baduzu, froga egitea proposa dezakezu.
- GOGOAN IZAN: errekurtso idazkiak errekurtso egilearen edo haren izenean ari denaren sinadura izan behar du.