Deialdirako 70.000 euro bideratu dira, eta norgehiagoka-erregimenean banatuko dira eskatzaileen artean, oinarri arautzaileetan aldez aurretik ezarritako balorazio irizpideei jarraikiz, diruz lagundutako proiektuen kalitatea eta bideragarritasuna ziurtatzen baitituzte; irizpide horien arabera balorazio hoberena lortu duten eskaerei dirulaguntza esleituko zaie, deialdian ezarritako muga eta kreditu erabilgarria gainditu gabe.
Gutxienez 70 puntu lortzen ez dituzten proiektuak ezetsi eginen dira.
Proiektuak diruz lagungarriak ez diren ekintzak jasotzen baditu, diruz lagungarriak direnak soilik hartuko dira kontuan.
Dirulaguntzaren zenbatekoa
Dirulaguntza inola ere ez da izanen proiektuaren guztizko kostuaren % 80 baino handiagoa.
Erakunde bakoitzak 10.000 euro jasoko ditu gehienez dirulaguntza gisa.
Laguntzaren zenbateko zehatza zehazteko:
- 70 eta 79 puntu bitarte eskuratzen dituzten proiektuek proiektuaren kostuaren % 70 jasoko dute.
- 80 eta 89 puntu bitarte eskuratzen dituzten proiektuek proiektuaren kostuaren % 75 jasoko dute.
- 90 eta 100 puntu bitarte eskuratzen dituzten proiektuek proiektuaren kostuaren % 80 jasoko dute.
Gastu diruz lagungarriak
Gastu diruz lagungarriak eta zenbatekoak dokumentu honetan kontsulta daitezke.
Honako helburu hauekin bat datozen partaidetza proiektuak lagunduko dira diruz.
Proiektuak eta jarduerak gauzatzeko epea
2023ko azaroaren 1etik 2024ko urriaren 31ra bitartean garatzen diren proiektuak lagunduko dira diruz.
Balorazio irizpideak
Proiektuak baloratzeko irizpideak 1.1. eranskinean kontsulta daitezke.
Dirulaguntzen deialdi honi dagozkion komunikazioak entitate interesdunaren gaitutako helbide elektronikoaren (GEH) bitartez eginen dira. Interesdunak Nafarroako Gobernuak gaitutako jakinarazpen elektronikoen prozeduran harpidetua egon beharko du.