Deialdian parte hartzen ahalko dute honako baldintza hauek betetzen dituzten gazte guztiek:

• Nafarroako Foru Komunitatean jaioa izatea edo bizitzea, edo Nafarroako forudunaren izaera zibila edukitzea, eta 14tik 30 urtera bitarte izatea, biak barne, eskaerak aurkezteko epea bukatzen den egunerako beteak.
• Taldea edo kolektiboa izanez gero, parte hartzen dutenen % 33 adin horretatik gorakoak edo Nafarroatik kanpokoak izaten ahalko dira.
• Taldeko edo kolektiboko ordezkaritzat joko da eskaera sinatzen duen pertsona.

Arte Gaztearen Topaketak programa bat da, helburu duena egungo arte gaztea sustatzeko beharrezkoak diren baldintzak eskaintzea -dela artea ekoizteko, dela sormen-lanak erakutsi eta zabaltzeko-, eta mekanismo batzuk eskueran jartzea lotuneak sortzeko bitartekaritzaren eta ekoizpen prozesuaren artean.

Deialdiaren oinarriak.

Modalitateak

• Arte Eszenikoak (ikusi I. eranskina)
• Arte Plastikoak eta Ikus-entzunezkoak (ikusi II. eranskina)
• Diseinua (ikusi III. eranskina)
• Literatura (ikusi IV. eranskina)
• Musika (ikusi V. eranskina)

• Izena emateko inprimakia, beteta.
• Artistaren NAN/AIZren fotokopia, baita taldeko edo kolektiboko partaide guztiena ere, halakoen kasuan. Nafarroan jaio ez diren egoiliarren kasuan, Nafarroako Foru Komunitateko bizilekuaren frogagiria edo Erregistro Zibilak emandako ziurtagiria, zeinetan adierazten baita Nafarroako forudunaren izaera zibila duela.
• Curriculum artistikoa, artistaren edo taldearen ibilbidea zehazten duena.
• Dosierra. Dosierrak 15 orrialde izanen ditu, gehienez ere, PDF formatuan. Modalitate artistikoa zein den, halako zehaztasunak eman beharko dira dosierrean, eta agiri honetan jaso dira (I.-V. eranskinak).

Bi aukera:

• Ez daukat ziurtagiri digitalik edo cl@ve: Transferentzia bidez ordaintzeko eskaera
• Ziurtagiri digitala edo cl@ve: Kontuen eta ordainketen kontsulta​​​

25E/2024 Ebazpena, deialdia onesten duena.

104E/2024 Ebazpena, 2024ko Arte Gaztearen Topaketen programan kalitate handieneko berrogei proiektuak hautatu eta bakoitzari 800 euro-ko saria ematen diona (argitalpen-data: 2024/07/26).