65 urtetik gorakoentzat, baldintza hauek betetzen badituzte:

• Bakarrik bizitzea, 65 urtetik gorako pertsona batekin bizitzea edo bakarrik egotea ia egun osoan.
• Eskaera egin aurreko bi urteetan Nafarroan egiazki eta jarraian bizi izan direla frogatzea.

Zerbitzuak 24 orduko etengabeko arreta eskaintzen du urteko egun guztietan. Gailu elektroniko bat du, telefono dei baten bidez telelaguntza-zentral espezializatu batekin harremanetan jartzeko aukera ematen duena, larrialdiko edo gizarte premiako egoerei erantzuteko, baliabide propioen bidez zein baliabide komunitarioak erabiliz. Halaber, zerbitzuak telelaguntza mugikor geolokalizatua ere hartzen du barne, gertatzen diren premia egoerei lehenbiziko erantzuna emateko osasun baliabideak mobilizatu aurretik.

Zerbitzu horri beste zenbait gailu gehitzen ahal zaizkio: etxearekin lotutako arriskuetarako segurtasun gailuak, pertsonarekin lotutako arriskuetarako segurtasun gailuak, etxetik kanpo erabiltzeko terminal mugikorrak eta ahoz komunikatzen ez diren pertsonei egokitutako terminalak.

Zer laguntza maila dagokien ezartzeko (1. maila, 2. maila ala 3. maila), zerbitzua instalatu aurretik balorazioa eginen zaie eskatzen duten pertsona guztiei. Esleitu zaion mailaren arabera, pertsonak jarraipen dei batzuk jasoko ditu. Horrela, 1. mailan, kortesiazko deia 30 egunean behin eginen da; 2. mailan, 20 egunean behin; eta 3. mailan, 10 egunean behin.

Pertsona guztiak 4, 9 eta 12 hilabeteko maiztasunarekin ebaluatuko dira berriz, dagokien mailaren arabera, eta beren jarduera plana eguneratuko da.

Zerbitzu horiek jasotzeagatik erabiltzaileek tasa bat ordaindu beharko dute (ordainketa partekatua). Tasaren zenbatekoa erregelamendu bidez ezarriko da. Hauek dira Larrialdietarako Telefono Zerbitzuaren tarifak:

• Mendekotasun handiko pertsonak: 6,59 euro hilean.
• Mendekotasun larriko pertsonak: 6,59 euro hilean.
• Mendekotasun ertaineko pertsonak: 7,30 euro hilean.
• Mendekotasunik ez duten pertsonak: 7,30 euro hilean.

Prozeduraren urratsak:

• Pertsonen Autonomiarako eta Garapenerako Nafarroako Agentziak eskatzailearen baliabide ekonomikoak baloratuko ditu. Eskatzaileak lanbide arteko gutxieneko soldata edo 30.000 euroko zenbatekoa gainditzen badu, nahitaez ordaindu beharko du zerbitzuaren tasa.
• Datu medikoak, sozialak eta pertsonalak zerbitzuari igorriko zaizkio, bere datu-basean sar ditzan. Ondoren, zerbitzua instalatuko da.

Larrialdietarako telefono zerbitzu berria azaltzen duen dokumentua.

Eskabidea egiteko prozedura.

• Eskabidea, behar bezala beteta eta sinatuta.
• Giltzen uztea: erabiltzaileak giltzak ez badizkio inori utzi nahi, ez eta zerbitzua kudeatzen duen erakundeari ere, zinpeko adierazpen bat bete beharko du bere gain hartzeko gerta litekeen larrialdi egoera baten kostu ekonomikoak (atea irekitzea).
• Osasun informazioa.
• Gizarte informazioa.
• Eskatzaileen erroldatze ziurtagiria edo errolda orria.
• Transferentzia bidezko ordainketa eskaera edo banku libretaren fotokopia.

• Nafarroako Gizarte Ongizatearen Institutuko Gobernu Batzordearen Erabakia, erakunde autonomo honek zuzenean edo zeharka kudeatzen dituen zerbitzuen tarifak eta haiek aplikatzeko arauak onesten dituena.
• 180/2009 Foru Agindua, Larrialdietarako Telefono Zerbitzurako sarbidea arautzen duena.
• 69/2008 Foru Dekretua, Gizarte Zerbitzu Orokorren Zorroa onartzen duena.