587 eredua aurkeztera behartuta daude honakoak:

• Berotegi-efektuko gas fluordunen fabrikatzaileak, inportatzaileak eta eskuratzaileak, Batasunaren barrenekoak, eta zerga honen peko salmentak edo entregak edo autokontsumoko operazioak egiten dituzten enpresaburu birsaltzaileak.
• Enpresaburuak, baldin eta berotegi-efektuko gas fluordunak baliatzen badituzte salbuesteko eskubidea sortzen duten erabileretarako ez baizik beste batzuetarako.

• 11/2015 Foru Legea, martxoaren 18koa, arautzen dituena energia elektrikoaren ekoizpenaren balioaren gaineko zerga, berotegi-efektuko gas fluordunen gaineko zerga eta kreditu-erakundeetako gordailuen gaineko zerga (2. artikulua). 
• 712/2022 Errege Dekretua, abuztuaren 30ekoa, zeinaren bidez onesten den Berotegi Efektuko Gas Fluoratuen gaineko Zergaren Erregelamendua. 
• 12/2015 Foru Agindua, 587 eredua, "Berotegi-efektuko gas fluordunen gaineko zerga. Autolikidazioa", onesten duena (2022ko abuztuaren 31ra arte).
• 110/2022 Foru Agindua, urriaren 18koa, zeinaren bidez onesten baitira "Berotegi-efektuko gas fluordunen gaineko zerga. Autolikidazioa" izeneko 587 eredua eta "Berotegi-efektuko gas fluordunen gaineko zerga. Itzulketa eskaera" izeneko A23 eredua, eta arautzen baitira lurralde-erregistroko inskripzioa eta izakinen kontabilitatea eramatea.