• PFEZ, Sozietateen gaineko Zerga edo Ez-egoiliarren Errentaren gaineko Zerga (establezimendu iraunkorrak) atxikitzera edo kontura sartzera behartuta dauden pertsona fisikoak, juridikoak eta gainerako erakundeak, Herri Administrazioak barne, atxiki edo kontura sartu beharreko errentak kitatzen dituztenean, baldin eta, Estatuarekin izenpetutako Hitzarmen Ekonomikoaren arabera, atxikipenak edo konturako sarrerak Nafarroako Foru Komunitateari badagozkio.
• Gainera, baita helbidea, egoitza edo ordezkaritza Espainian duten erakundeak ere, baldin eta besteren kontura ordaintzen badituzte atxikipena edo konturako sarrera egin beharreko errentak, edo baloreen errenten kobrantza kudeatzen badute edo haien gordailuzainak badira.

Eredu honetan sartzen dira ondorengo errentak:

• PFEZ zergaduntzat jotzen diren hartzaileei dagozkien kapital higigarriaren errendimenduak, salbuetsitako errendimenduak barne, ondorengo salbuespenekin.
  • Finantza-erakunde orotako kontuetatik eratorritakoak, 196 ereduan aitortu beharrekoak.
  • Aktibo finantzarioen eskualdaketan, ordainketan edo amortizazioan eskuratutakoak, 194 ereduan aitortu beharrekoak.
  • Kapitalizazio eragiketetatik eta bizitza edo elbarritasun aseguru kontratuetatik eratorritakoak, 188 ereduan aitortu beharrekoak.
• Sozietateen Zergaren subjektu pasiboei dagozkien errentak eta Ez-egoiliarren Errentaren gaineko Zergaren zergadunen establezimendu iraunkorren bitartez lortutakoak, aurreko atalean eta ondoren ezarritako salbuespenekin:
  • Hiri ondasun higiezinen errentan edo azpi-errentan ematearen ondoriozkoak, 180 ereduan aitortu beharrekoak.
  • Inbertsio kolektiboko erakundeen kapitalaren edo ondarearen akzioak edo partaidetzak eskualdatzetik edo ordaintzetik eratorritakoak, 187 ereduan aitortu beharrekoak.

• 193 eredua arautzen duen araudira sartzea
• 132/2009 Foru Agindua (aurkezpen telematikoa)