Jarraibideak:
Lurzati-zedula ziurtatuek higiezin baten erregistro-balioaren berri ematen dute, baina ez dute adierazten nola lortu den datu hori. Jakiteko zer alderdi hartu diren kontuan kalkulu hori egiteko, balorazio-orria zehazten duen dokumentu bat eskatzen ahal duzu.
Horretarako, higiezinaren titularra izan behar duzu, edo kasu bakoitzean behar diren agiriak aurkeztu:
- Baimendutako pertsonak: ondasunaren titularrak berariaz eta idatziz emandako baimena behar dute. Baimena sinatuta aurkeztu behar da. Deskargatu esteka honetan baimen-eredua.
- Ordezkariak: titularraren legezko ordezkaritza edo ordezkaritza judiziala egiaztatzen duten agiriak aurkeztu behar dira.
- Erregistroko titularraren jaraunsleak edo oinordekoak, titularra hil denean: azken borondateen ziurtagiria eta testamentuaren kopia aurkeztu behar dituzte edo, halakorik ezean, legezko oinordetza zehazten duen notario-agiria edo agiri judiziala (jaraunsle-deklarazioa ere esaten zaio).
Ohar garrantzitsua: eskabidean adierazi behar duzu zer higiezinetarako eskatzen duzun balorazio-orria.
Honako egiaztagiri hauek erabil daitezke:
- Ziurtagiri digitala edo NAN elektronikoa
Tramitatzeko beste modu batzuk:
Lur-ondasunen Erregistroaren bulegoetan, hitzordua eskatuta. Harremanetarako ohiko bideetan eskatu dezakezu:
Horrez gain, higiezinak zer udalerritan dauden, udal horren bulegoetara joan daitezke ondasunen titularrak.