Txikizkako saltoki handiak, hau da, txikizkako merkataritzan aritzen diren establezimendu indibidual edo kolektiboak, baldin eta produktuak saltzeko eta erakusteko duten zalaera 2.500 m2 baino handiagoa bada.

Saltoki handitzat hartzen ez direnak:

• Udal azokak.
• Ibilgailuen eta motor-erregaien saltokiak.
• Industriako eta lorezaintzako makinen saltokiak.
• Eraikuntzako eta saneamenduko materialen saltokiak.
• Mugaldeetan daudenak.

Oro har, ez dago baimenaren beharrik saltoki handiak instalatzeko. Hala ere, udalez gaindiko plan sektoriala tramitatu behar da saltoki handiak ezartzeko, baita jada instalatuak handitzeko ere, baldin eta horien azalerari 500 m2 baino gehiago gehitzen bazaizkio.

Honelako lurzoruetan soilik instalatzen ahal dira:

• Hiri lurzorua.
• Nagusiki bizitegi erabilera duen lurzoru urbanizagarria (etxebizitza kolektibo jarraituko 250 etxebizitzako edo 600 biztanleko bizitegi eremuak, eta hektarea bakoitzeko 40 etxebizitzako etxe dentsitatea).

• Eskabidea. Lurralde antolamenduaren eta hirigintzaren arloko eskumena duen departamentuari edo saltokia instalatu nahi den udalerriko udalari aurkeztu behar zaio.

Eskabidearekin batera honako dokumentazio hau aurkeztuko da:

• Eskatzailea identifikatzen duen dokumentazioa.
• Agiri tekniko eta administratiboak:
  • Memoria eta oinarrizko proiektua.
  • Udalaren txostena, hirigintzako planeamenduarekin bat etortzeari buruzkoa.
  • Lursailak erabil daitezkeela frogatzen duen dokumentazioa.
  • Sortuko den mugikortasunaren azterketa.
  • Proiektuaren diseinuan energia aurrezteko irizpideak erabili izanaren ziurtagiria.
  • Ingurumen eraginaren azterketa.
  • Saltokiak bere eragin-eremuko salmentarako azaleran zenbateko.
  • Tasak ordaindu direlako frogagiria.

• 29/2019 Foru Legea, zenbait zerga aldatu eta beste tributu-neurri batzuk hartzeari buruzkoa.
• 1/2017 Legegintzako Foru Dekretua, Lurraldearen Antolamenduari eta Hirigintzari buruzko Foru Legearen testu bategina onesten duena.
• 6/2010 Foru Legea, barne merkatuko zerbitzuei buruzko 2006/123/EE Zuzentaraura egokitzeko xedez zenbait foru lege aldatzen dituena.
• 17/2001 Foru Legea, Nafarroan merkataritza arautzen duena.