Etxebizitzen errentamendu-kontratu indardunak dituzten pertsona fisiko edo juridikoak.

• Pertsona fisiko edo juridikoek etxebizitza libreen errentamendu-kontratu indardunak bakarrik inskribatu behar dituzte.

Inskripzioa etxebizitzaren titularren batek egiten ahal du zuzenean, edo, haren ordez, beste edozein pertsonak edo enpresak, hala nola higiezinen jabetzako agenteek.

• Etxebizitza Zuzendaritza Nagusiak ofizioz erregistratuko ditu etxebizitza babestuen errentamendu-kontratuak, baldin eta administrazioak ikus-onetsitako kontratua badute, jabea pertsona fisikoa edo juridikoa izan. Partikularrek ez dituzte inskribatu behar Nasuvinsak kudeaturiko alokairu-poltsan lagatako etxebizitza libreen kontratuak.

Nafarroako Etxebizitza Errentamenduko Kontratuen Erregistroa.

Helburu nagusia errentamendu-prezioei buruzko diagnostiko egiazko bat izatea da eta, orobat, tresna erabilgarriak izatea jakiteko alokairuen merkatuan tenkaturiko eremurik baden eta, hala izanez gero, haiek arautzeko neurriak hartzeko.

Kontratuak hilabeteko epean inskribatu behar dira errentamendu-kontratuen erregistroan, errentatzaileak kontratua gauzatzen duenetik hasita; edo, 3 hilabeteko epean, errentamendu-kontratuen erregistroa abian jartzen denetik hasita, baldin eta erregistroa abian jartzerakoan indarrean zeuden kontratuak badira.

Eskaera egiteko behar diren datuak errentamendu-kontratuan ageri dira.

Errentatzaileak hala egin ezean, errentariak inskribatzeko eskatzen ahalko du kontratua indarrean egon bitartean.

• Izapidetzea elektronikoa ("Tramitatu" botoiaren bidez).
• Ez da agiririk aurkeztu behar.
• Inskripzioa egiteko jarraibideak: begiratu hemen.
• Higiezinaren katastro-erreferentzia lortzeko jarraibideak, kontsultatzeko jarraibideak: begiratu hemen.

• Oharra: oraingoz, eta erregistratutako kontratuak aldatu edo bertan behera uzteko web-aplikazioa erabilgarri ez dagoen bitartean, instantzia orokor edo erregistro elektroniko baten bidez bakarrik egin daitezke aldaketak, sarrera-erregistroaren zenbakia eta egin beharreko aldaketak edo ezeztapena adierazita.

• 182/2023 Ebazpena, Nafarroako Etxebizitzen Errentamendu Kontratuen Erregistroa abian jartzea ezartzen duena.
• 20/2022 Foru Legea, babestutako etxebizitza ordainerrazen parke bat Nafarroako Foru Komunitatean sustatzekoa.
• 10/2010 Foru Legea, Nafarroan etxebizitza izateko eskubideari buruzkoa.