Pertsona fisikoak, Nafarroako Foru Komunitateko Administrazioak datu pertsonalak tratatzen dizkienak eta uste dutenak datuen babesari buruzko eskubideak urratu zaizkiela edo erantzunik jaso ez dutenak beren eskubideak erabili ondoren.

Edozein herritarrek erreklamazioa aurkezten ahal du bi kasu hauetan:

• Uste badu datuen babesaren alorrean dituen eskubideak urratu dizkiotela.
• Edo eskubideak baliatzeko eskaera egin eta ez badu erantzunik jaso. 

Erreklamazioa egiteko, bi bide hauek daude:

• Nafarroako Gobernuak izendatu duen Datuak Babesteko Ordezkaritzara jo, izapide hau erabilita. Kasu horretan, ordezkariak bitarteko lana eginen du tratamenduaren arduradun den erakundearekiko. Erabakitzen dena jakinaraziko zaio gehienez ere bi hilabeteko epean, erreklamazioa jasotzen denetik aitzina.
• Edo zuzenean, Datuak Babesteko Espainiako Bulegoan.

Datu pertsonalak tratatuko ditu “Datuak Babesteko Ordezkaritzak (Lehendakaritzako, Berdintasuneko, Funtzio Publikoko eta Barneko Departamentua) "arduradun" gisa, helburua delarik “Datuak Babesteko Ordezkaritzara iristen diren erreklamazioak kudeatzea”. Zure eskubideak baliatu ditzakezu eskubideak baliatzeko izapidean. Tratamenduari buruzko informazio gehiago, hemen: Datu pertsonalen tratamendua Nafarroako Gobernuan.

• Europako Parlamentuaren eta Kontseiluaren 2016ko apirilaren 27ko 2016/679 (EE) Erregelamendua, pertsona fisikoen babesari buruzkoa, datu pertsonalen tratamenduari eta datu horien zirkulazio askeari dagokienez, eta 95/46/EE Zuzentaraua indarrik gabe uzten duena.
• Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoa.
• Nafarroako Foru Komunitateko Administrazioaren eta haren erakunde publikoen datu-babeseko eta informazioaren segurtasuneko politika.