Katastro-balioa
Katastro-balioa Nafarroako Foru Ogasunak zehazten duen balio fiskala da; ondasun higiezinak udaleko katastroan inskribatuta daude, eta hor agertzen da balioa; zerga batzuen zerga-oinarria da, batez ere lurraren kontribuzioarena.
Higiezinen katastro-balioa urtero eguneratzen da, azaroaren 30ero, Lur-ondasunen Erregistroan dauden datuak hartuta. Datu horiek higiezinen deskribapen grafikoa eta alfanumerikoa ahalbidetzen dute, eta ezaugarri espezifikoen bidez (tipifikazioa, kategoria, azalera, erabilera edo aprobetxamendua, antzinatasuna...) higiezinen errealitatea eta balioa islatzen dira.
2025eko katastro-balioak onetsi dira 109/2024 Ebazpenaren bidez, azaroaren 18koa, Nafarroako Foru Ogasuneko Lur-ondasunen eta Ondarearen gaineko Tributuen Zerbitzuko zuzendariak emana, salbu eta, egun horren ondoren, Udalak modu indibidualean jakinarazi badu balio berri bat onetsi dela azaroaren 21eko 12/2006 Foru Legearen 21.8 artikuluaren arabera, edo haren kontrako errekurtso bat baietsi bada, guztiz edo zati batean.