2025-2026 ikasturtean Nafarroako Gobernuko Hezkuntza Departamentuaren mendeko ikastetxe publiko edo itunduetan Lehen Hezkuntzako 5. edo 6. maila edo Derrigorrezko Bigarren Hezkuntzako 1. edo 2. maila ikasten ari diren ikasle nafarrak, baldintza hauek betetzen badituzte:

a) 2025-2026 ikasturtean Nafarroako Gobernuko Hezkuntza Departamentuaren mendeko ikastetxe publikoetan edo itunduetan Lehen Hezkuntzako 5. edo 6. maila, Derrigorrezko Bigarren Hezkuntzako 1. edo 2. maila egiten aritzea.

b) Lehen Hezkuntzako 5. edo 6. mailako ikasleek 6 edo gehiagoko batez besteko nota egiaztatu beharko dute 2025-2026 ikasturte honetako 1. ebaluazioan, eta ez da gutxiegirik ageri ebaluazio horretako notetan. Frantsesez ikasten ez duten ikasleek deialdi honetan parte hartzen ahalko dute. Curriculumean frantsesa ikasten dutenek izanen dute lehentasuna, betiere batez besteko nota badute.

c) DBHko 1. edo 2. mailako ikasleek 2025-2026 ikasturteko 1. ebaluazioan batez beste 7ko nota edo altuagoa dutela egiaztatu beharko dute, eta ebaluazio horretako notetan ez da gutxiegirik ageri. Halaber, 1. ebaluazioko frantseseko ikasgaian “oso ongi” kalifikazioa lortu behar du gutxienez. Frantsesik ikasten ez duten ikasleek deialdi honetan parte hartzen ahalko dute, eta ikasten dutenek izanen dute lehentasuna, batez besteko nota edozein dela ere. Frantsesa ikasten ez duten ikasleen onarpena, azken batean, ikastetxe frantsesaren onespenaren menpe geldituko da.

d) Nota baxuagoa dutenek egin ahal izango dute eskaera, baina eskatutako batez besteko nota edo eskatutako frantseseko nota egiaztatzen duten ikasleen azpitik geratuko dira.

e) Frantzian ikasketak urtebete lehenago egin dituztenek edo uko egin izanaren berri garaiz (urriaren 31ra arte) eta forman eman ez dutenek ezingo dute berriro programan plaza eskatu.

* Garrantzitsua: programari buruzko informazio osoa 1. eranskinean dago (deialdia), Araudia atalean.

120 plaza inguru gordeko dira Akitania Berriko Eskualde Akademikoaren ekintza-eremuko ikastetxeetan, honako herri hauetan: Baiona, Maule, Orthez, Paue, Donibane Garazi, Salies de Béarn, Sauveterre de Béarn eta Ustaritz. Hala ere, plaza eta ikastetxe kopurua aldatu ahal izango da Akitania Berriko Eskualde Akademikoak ezartzen dituen plazen arabera.

Eskaintzen diren zentro frantses gehienak sare kontzertatukoak dira.

Frantziako sare publikoko ikastetxeetan dauden plazei dagokienez, ikastetxe horiek ikasle frantsesentzat erreserbatuta daudela ulertu behar da, eta, beraz, ikastetxe horietan aurrerago sor daitezkeen premien mende daudela.

Horrek esan nahi du, aurrerago Frantziako zentroek plaza horiek erabili behar badituzte, Akitania Berriko Eskualde Akademikoak bertan behera utzi ahal izango duela Nafarroako Gobernuko Hezkuntza Departamentuarekin ezarritako hasierako erreserba.

Beraz, deialdi honetan eskainitako ikastetxe publikoetako batean plaza eskatzerakoan, familiek kontuan izan beharko dute, nahiz eta ikastetxe horietako batean beren seme-alabei plaza bat esleitu, plaza horiek baliogabetu ahal izango direla. Hori gertatuko balitz, behin prozesua bukatuta (ekainaren bukaeratik uztailaren hasierara) deialdi honetan parte hartzen duten zentro frantsesetako batean (publikoak edo kontzertatuak) plaza hutsik geratzen bada bakarrik izango lukete aukera plaza bat lortzeko.

Frantziako zentroek ezartzen duten prezioak (1.700 eta 4.500 euro arteko kostua, ikus 5. eranskina) mantenua eta egoitza, matrikula gastuak, eskolatzea eta liburuen mailegua estaltzen ditu.

Ikasleen ostatua eta mantenua Frantziako ikastetxeetako egoitzetan egingo da, astelehenetik ostiralera, arratsaldez.

Parte hartzen duten ikasleen familiek beren gain hartuko dituzte mantenua eta egoitzako ostatua, bai eta matrikularen, eskolatzearen, aseguruaren, eskolako materialaren, testuliburuen gastuak, ikastetxeak uzten ez baditu, eta iPad-en gastuak ere, ikastetxeak hala eskatzen badu.

Familiek antolatu eta beren gain hartuko dute seme-alabak Frantziako zentrora eta bizilekura eramateko kostua.

Programak 2026-2027 ikasturteko iraupena du, harrera-zentroen eskola-egutegiaren arabera (ikus 4. eranskina)

Parte hartzen duten ikasleen familiek Europako osasun txartela eskatu beharko dute. Txartel hori lortzeko, dokumentazioa behar bezala eduki behar da (bizileku-baimena edo pasaportea indarrean, NAN/AIZ, gizarte segurantzako afiliazioa eta erroldatze-ziurtagiria).

Plaza bat eskatzeko, honako agiri hauek bete beharko dira:

a) 2. eranskina - Parte hartzeko eskaera (ahal dela, web inprimakiaren bidez aurkeztuko da (Tramitazioa > "Formularioa bidali" botoia).

b) 3. eranskina - Zinpeko aitorpena eta parte hartzeko baimena: bi gurasoen eta ikaslearen sinadurak jaso beharko dira.

c) 1. ebaluazioko nota guztiak jasotzen dituen ohar-buletina.

Batez besteko nota kalkulatzeko, ekainaren 12ko 53/2023 Foru Aginduko eskala aplikatu beharko da, honako baliokidetza hauek jasotzen dituena:

• Eskasa: 3
• Nahikoa: 5
• Ondo: 6
• Oso ongi: 7,5
• Bikain: 9

Eskabideak banakakoak dira.

AURKEZTEKO MODUAK

Hainbat aukera daude eskaera eskatutako dokumentazioarekin batera aurkezteko:

1. aukera (ahal dela)

• 1. urratsa: parte hartzeko eskaera bete eta bidali web formularioaren bidez ("Bidali formularioa" botoia, Tramitazioa atalean).
• 2. urratsa: bidali posta elektronikoz beste bi dokumentuak:
  • 3. eranskina - Zinpeko aitorpena eta parte hartzeko baimena
  • Noten buletina

proyectoseuropeos@educacion.navarra.es helbidera bidali behar dira, gaian ikaslearen izen-abizenak eta aurtengo ikasturtea (2025-2026) adierazita, eta jarraian honako aipamen hau: Frantziako Akademikoa 26/27.

Beste aukera batzuk

Era berean, 2. eranskina deskargatu eta bete daiteke, eta eskatutako gainerako dokumentazioarekin batera aurkeztu, modu telematikoan, Erregistro Orokor Elektroniko bidez edo aurrez aurre (ikus Eskaera Erregistro Orokor Elektroniko bidez aurkeztea, Tramitazioa atalean).

• 1. eranskina - Deialdia
• 4. eranskina - Informazio gehigarria
• 5. eranskina - Frantziako ikastetxeen behin-behineko zerrenda