Europako Etiketa Ekologikoa eska dezakete Europar Batasunetik, Norvegiatik, Liechtensteinetik eta Islandiatik datozen enpresek, beren marka izanda produktuen ekoizle, zerbitzu emaile edo banatzaile direnek, baldin haien produktua Nafarroan ekoizten badute edo zerbitzua bertan ematen badute. Produktuek eta zerbitzuek kategoria bakoitzerako ezarritako ingurumen-baldintzak bete behar dituzte.

Ecolabel Europako Etiketa Ekologikoa bereizgarri bat da, identifikatzeko zer ondasun edo zerbitzuren ekoizpenak eta kontsumoak sortzen duen ingurumen-inpakturik txikiena kategoria bereko beste produktu eta zerbitzu batzuekin alderatuta. Era berean, kontsumitzaileari esaten dio zer abantaila zehatz dituen produktu edo zerbitzu horiek kontsumitzeak.

• Kontsulta itzazu indarrean diren 24 kategoriak. 
• Informazio gehiago.

Prozedura
Eskaera aurkeztu ondoren, Nafarroako Gobernuko Ingurumen Departamentuak produktuaren balorazioa eginen du, Europako Batzordeak ezarritako ebaluazio-baldintzei jarraituz. Edozein unetan eskatu ahal izanen dio eskatzaileari informazio osagarria produktuaren eta haren fabrikazioaren baldintzei buruz, bai eta egokitzat jotzen dituen txostenak ere, eta instalazioak egiaztatzeko bisitak egin ahal izanen ditu. Horretarako, ebazteko epea eten dezake, egokitzat jotzen badu. Saio edo proba horiek egiteko kostuak eskatzailearen kargura izanen dira. Halaber, operadoreei kobra dakizkieke bidaiaren eta ostatuaren kostuak egiaztapen bat in situ egin behar denean Espainiatik kanpo. 

Ingurumen Departamentuak bi hilabete ditu, eskabidea aurkeztu ondoren, dokumentazioa egiaztatzeko. Dokumentazioa osorik ez badago, idatziz jakinaraziko die interesdunei, akatsa zuzendu edo nahitaezko dokumentuak aurkez ditzaten, eta ohartaraziko die eskabidea ukatuko zaiela, baldin eta sei hilabeteko epean zuzentzen ez badute. 
 

Tasas
Tarifa, oro har, 400 eurokoa izanen da. Halere, tarifa 200 eurokoa izanen da enpresa txiki eta ertainen kasuan eta mikroenpresen kasuan (Batzordearen 2003/361/EE Gomendioaren definizioaren arabera) eta garapenean dauden herrialdeetako operadoreen kasuan.

Eskatzeko tasa %30 murriztuko zaie Ingurumen arloko kudeaketa eta auditoriarako Europar Batasuneko sisteman (EMAS) erregistratutako eskatzaileei edo %15, berriz, ISO 14001 arauaren araberako ziurtagiria dutenei. Murriztapenak ezin dira metatu. Bi sistemak betetzen badira, murriztapen handiena baizik ez da aplikatuko.

Tasa sortu eta eskatuko da, Europar Batasunaren etiketa ekologikoa erabiltzeko eskaera aurkezten denean.

Tarifa honetan ez da sartzen eskaeraren xede diren produktu edo zerbitzuei egin beharreko proben edo egiaztapenen kostuari dagokion inolako elementurik. Kostu horiek eskatzaileek ordainduko dizkiete probak egiteko behar den akreditazioa duten entitateei.

• Europako Etiketa Ekologikoa erabiltzeko baldintzak eta irizpideak 
• Europako etiketa ekologikoa duten Nafarroako produktuen erregistroa
• Europako Etiketa Ekologikoa erabiltzeko emakida errebokatzea

1. Eskabide orokorra
2. Produktuaren deskripzio osoa eta zer kategoriatan sailkatzen den
3. Europar Batasuneko etiketa ekologikoa eskatzeko tasa ordaindu izanaren frogagiria.
4. Egiaztagiriak, frogatzen dutenak jarduera indarreko araudiari jarraituz gauzatzen dela eta beharrezko baimen eta lizentzia guztiak dituela
5. Erantzukizunpeko adierazpena: 
   1. Ez duela tramitazioan dagoen zehapen prozedurarik, ezarritako zehapen irmorik edo errekerimendurik ingurumenari buruzko araudia betetzeari dagokionez. 
   2. Ez duela abian produktu berarengatik Europar Batasuneko etiketa ekologikoa emateko prozedurarik.
6. Eskatzailearekiko independentea den entsegu-laborategi baimendu baten txostena, frogatzen duena Europar Batasuneko etiketa ekologikoa bilatzen duen produktu horrek betetzen dituela dagokion produktu kategoriarako Europako Batzordeak ezartzen dituen baldintza ekologiko guztiak, kasuan kasuko egiaztapenak edo saioak egin ondoren.
7. Eskatzailearekiko independentea den eta egiaztatua dagoen entitate baten egiaztagiria, produktuen kategoria bakoitzerako eskatzen diren baldintza ekologikoak betetzen direla frogatzen duena, bat etorriz EN 45000 serieko arauekin edo nazioarteko arau baliokideekin. 
8. 6. eta 7. puntuetako laborategi eta entitate bakoitzaren akreditazioaren irismenaren ziurtagiria.  
9. Produktuari buruz egokia den beste edozein agiri.

• Tributu-neurriei buruzko 28/2014, Foru Legearen IX. kapitulua.
• 253/2014 Foru Agindua, Europar Batasuneko etiketa ekologikoaren borondatezko sistema Nafarroako Foru Komunitatean aplikatzea arautzen duena.
• 234/2013 Errege Dekretua, Europar Batasuneko etiketa ekologikoari buruzko Europako Parlamentuaren eta Kontseiluaren 66/2010 (EB) Erregelamendua aplikatzeko arauak ezartzen dituena.
• Batzordearen erabakia, 2006ko otsailaren 9ako, Europar Batasuneko etiketa ekologikoari buruzko lanerako plan bat ezartzen duena.
• Batzordearen erabakia, 2000ko azaroaren 10ekoa, etiketa ekologikoa emateko sistema berrikusiaren kontsulta-foroaren barne-araudia ezartzen duena.
• Batzordearen erabakia, 2000ko azaroaren 10ekoa, Europar Batasuneko Etiketa Ekologikoaren Komitea sortu eta haren barne-erregelamedua ezartzen duena.
• Europako Batzordearen 2013ko abuztuaren 14ko 782/2013 (EB) Erregelamendua, Europako Parlamentuaren eta Kontseiluaren etiketa ekologikoari buruzko 66/2010 (EB) Erregelamendua aldatzen duena.
• Europako Parlamentuaren eta Kontseiluaren 2009ko azaroaren 25eko 66/2010 (EB) Erregelamendua, Europar Batasuneko etiketa ekologikoari buruzkoa, gaur egun indarrean dagoena, bigarren berrikuspenaren ondotik.