Dirulaguntzaren onuradun izaten ahalko dira Nafarroako Sektore Publikoko entitate hauek:

• Enpresa publikoak.
• Fundazio publikoak.
• Unibertsitate publikoak.
• Toki-korporazioak edo toki-administrazio baten mendeko edo hari lotutako erakundeak.

Kontratatzen diren pertsonek baldintza hauek bete beharko dituzte kontratazioaren unean:

• Langabezian egotea eta Nafar Lansare-Nafarroako Enplegu Zerbitzuko edozein enplegu agentziatan inskribaturik egotea.
• 16 urtez goitikoak eta 30 urtez beheitikoak izatea.
• Gazteen Bermearen Erregistro Nazionalean inskribaturik egotea.
• Honako titulu hauetako bat izatea:
  • Unibertsitateko titulua.
  • Lanbide Heziketako goi mailako heziketa zikloak (LH II) edo erdi mailako heziketa zikloak (LH I). Horien baliokide dira teknikari espezialisten titulua (LH II) eta laguntzaile teknikariaren titulua (LH I).
  • Profesionaltasun ziurtagiria.

Eginen diren kontratuak ondoren aipatzen diren eremuetako batean kokatu beharko dira, lerroak egin beharreko lanean daukan garrantzia kontuan hartuta:

• Enplegu berdeen lerroa, ingurumena babesteko eta lehengoratzeko laguntzen dutenak.
• Gaitasun digitaletako enpleguen lerroa, Europako Batzordeak (DIGCOMP) ezarritako gaitasun digitalen Europako Esparruaren arabera.
• Enpleguaren lerro orokorra: gainerako kontratuak.

Dirulaguntzaren eskaera gune honetako "Eskatu" botoian bete behar da (Tramitazioa atalean). Eskaeraz gain, honako agiri hauek ere aurkeztu behar dira:

• Erakunde onuradunaren eta langabearen artean sinatutako lan-kontratua, urteko ordainsari gordina eta kotizazio-taldea adierazita.
• Memoria bat, bete beharreko lanpostuen deskribapenarekin, honako hauek zehaztuta: lanpostu horiek enplegu berdetzat edo konpetentzia digitaletako enplegutzat hartzen diren (2.4 artikuluaren arabera), egin beharreko jardueren ezaugarriak eta eskatutako titulazioarekin duten lotura, kontratuaren edo kontratuen iraupena, eta programaren kostuen aurreikuspenak (bereiz adierazita eskatutako dirulaguntza eta, halakorik bada, entitate onuradunaren ekarpena).
• Enpresaren erantzukizunpeko adierazpena, adierazten duena betetzen dituela Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako betekizunak (I. eranskina).
• Aitorpen bat, non agertuko baitira helburu bererako lortutako edo eskatutako dirulaguntzak, laguntzak, diru-sarrerak edo baliabideak (II. eranskina).
• Europar Batasuneko betebeharrak ezagutzen dituela adierazten duen adierazpena (III. eranskina).
• Deialdiaren 6.4 oinarrian jasotako betekizunari buruzko adierazpena (IV. eranskina).
• Suspertze, Eraldatze eta Erresilientzia Planaren jarduketak gauzatzeko konpromisoaren adierazpena.
• Suspertze, Eraldatze eta Erresilientzia Planaren jarduketak gauzatzearekin loturiko adierazpena, datuak lagatzeari eta tratatzeari buruzkoa.
• Aurretik Nafarroako Gobernuaren dirulaguntzarik jaso ez bada, transferentzia bidez ordaintzeko eskaera izeneko inprimakia.

• 3576E/2023 Ebazpena, dirulaguntzetarako partidaren gastua egiteko.
• 5533E/2021 Ebazpena, dirulaguntzak ematea onesten duena.

• 2023ko deialdiko emaitzak (gaztelaniaz)
• 2022ko deialdiko emaitzak (gaztelaniaz)