Nafarroako Foru Komunitatean erroldatuta dauden ikasleak, baldin eta derrigorrezko ikasketen ondoko unibertsitateaz kanpoko ikasketetarako Espainiako ikastetxeetan matrikula egin badute.

Honako ikasketa hauetarako eskatzen ahal dira laguntzak:

• Oinarrizko, erdi mailako eta goi mailako Lanbide Heziketa
• Batxilergoa
• Kirol irakaskuntzak
• Arte ikasketa profesionalak
• Goi mailako arte irakaskuntzak
• Goi mailako erlijio ikasketak
• Hizkuntza eskola ofizialetan egindako hizkuntza ikasketak

Honako kontzeptu hauetarako eskatzen ahal dira laguntzak:

• Matrikula
• Bizilekua
• Hiriarteko garraioa
• Jantokia
• Ikasketa-espedientea (6.2.7 oinarrian jasotako kasuetan soilik)
• Laguntza berezia (salbuespenezko kasuetan baino ez; ikus 6.2.6 oinarria)

Diru-laguntzak emateko, baldintza ekonomikoak eta akademikoak hartuko dira kontuan.

Halaber, horretarako baldintzak betetzen direnean, Hezkuntza eta Lanbide Heziketako Ministerioari edo Eusko Jaurlaritzari 2023-2024 ikasturterako beka eskatu beharko zaio.

Laguntzaren eskaera eta jarraipena beken aplikazioaren bidez eginen da. Aplikazio horretara "Eskatu" botoitik sartzen da. Deialdia Nafarroako Aldizkari Ofizialean (NAO) argitaratuko da eta biharamunean hasiko da.

Eskaera ikasleak aurkezten du. Bere izenean beste pertsona batek aurkezten badu, eskabidean jaso beharko du.

Eskatzaileak eta familia-unitateko gainerako kideek baimena eman ahal izango diote deialdia kudeatzen duen organoari Estatuko Administrazio Orokorrean eta beste administrazio publiko batzuetan eskuragarri dauden datuak telematikoki kontsultatzeko, beka-eskaera ebazteko beharrezkoak badira. Kontsulta egiteko baimenik ematen ez bada, eskatzailearen egoera egiaztatzen duten agiriak aurkeztu behar dira: nortasuna, erroldatzea, desgaitasuna, familia-egoera, diru-sarrerak, datu akademikoak, etab.

Nafarroatik kanpoko ikasketen kasuan, datu akademikoak justifikatzeko, ikasketa-mailari dagokion agiria erantsi behar da, ikastetxeak sinatu eta zigilatua:

• Datu akademikoen ziurtagiria
• Unibertsitateaz kanpoko goi-mailako ikasketen datu akademikoen ziurtagiria
• Familiaren datuak
• Ikaslearen datuak eta eskatzen diren laguntzak

Eskatutako dokumentuak deialdiaren 7. oinarrian kontsulta daitezke: aurkeztu beharreko dokumentazioa.

• 100/2023 Ebazpena, zeinaren bidez 36/2023 ebazpena zuzentzen da.

Deialdiaren oinarrietan akats bat antzeman da: deialdiko 6. oinarrian “Bekak eta laguntzak hartzea eta haien zenbatekoa”, 2.6. atalean Laguntza Berezia, 3. puntuan honako hau erran behar da: f) 2022an Errenta Bermatua jaso duten familiak.

• 36/2023 Ebazpena, zeinaren bidez onesten baita 2023-2024 ikasturterako beken deialdi orokorra, derrigorrezkoaren ondoko unibertsitateaz kanpoko ikasketak egiten dituzten ikasleentzako.