Eskolatze-prozesuetan beharrezkoa denean plazak esleitzeko ordena alfabetikoa zehaztuko duen zozketaren akta.
Ikastetxe publikoetan Nazioarteko Batxilergoa egiteko onarpen-eskaerak:
Betekizunak: Derrigorrezko Bigarren Hezkuntzako graduatu-tituluaz gain, aipatutako tituluaren batez besteko notan gutxieneko puntuazioa 7 puntukoa izatea onarpen betekizuna izango da.
2024-2025 ikasturterako baimendutako ikastetxe publikoak Iruñeko "Navarro Villoslada" Bigarren Hezkuntzako Institutua eta "Benjamin de Tudela" Bigarren Hezkuntzako Institutua dira.
Nazioarteko Batxilergoaren aukera sei aukeretako bat izango da, eta nahitaez adierazi beharko da aukeratutako Batxilergoaren modalitatea (Zientziak eta Teknologia edo Humanitateak eta Gizarte Zientziak).
Nazioarteko Batxilergoko ikasketetarako ikasleen gehieneko ratioa 24 ikaslekoa izango da.
Epez kanpo
Ikasle berarentzat eskaera bat baino gehiago aurkeztuz gero, ikasle hori ohiko onarpen-prozesutik kanpo geratuko da.
Erroldatze-bolantea ez da derrigorrezko dokumentua. Egoitza-aldaketa ezarritako egunetan justifikatu behar denean bakarrik aurkeztu beharko da.
Aurreinskripzioa telematikoki edo aurrez aurre egin daiteke
Onlineko aurreinskripzioaren kasuan, EZ da erantsi beharko onarpen-eskaera
Aurkeztu beharreko agiriak keyboard_arrow_down
Nahitaezko dokumentazioa
Onarpen eskaera, behar bezala beteta (eskabidea ikastetxean eskuordetuta aurkezten bada bakarrik).
Agiri hauetako baten fotokopia: familia-liburua/jaiotza-ziurtagiria/pasaportea /NAN edo AIZ.
Errolda-ziurtagiria/Bizikidetza-ziurtagiria, adingabea eta gutxienez bere gurasoetako bat edo legezko tutoretza egiten duten pertsonak jasotzen dituena. Egoitza-aldaketa ezarritako egunetan justifikatu behar denean bakarrik aurkeztu beharko da.
Aukerako dokumentazioa
Hezkuntza laguntzako berariazko premia duten ikasleen egiaztagiri ofiziala.
Familiak baldin badaki ikaslea EDUCAn erroldatuta dagoela eta han hezkuntza-laguntzako berariazko premia adierazita dagoela, ez du egiaztagiririk aurkeztu behar, Hezkuntza Departamentuak ofizioz aurkeztuko baitu.
Araudia keyboard_arrow_down
85/2024 Ebazpena, Hezkuntzako zuzendari nagusiak emana, Nafarroako Foru Komunitateko ikastetxe publikoetan eta itunpeko ikastetxe pribatuetan ikasleak onartzeko prozesuaren deialdia egin eta garatzen duena, Derrigorrezko Bigarren Hezkuntzako eta Batxilergoko irakaskuntzak egiteko 2024-2025 ikasturtean.
35/2024 Foru Agindua, Hezkuntzako kontseilariak emana, Nafarroako Foru Komunitateko ikastetxe publikoetan Nazioarteko Batxilergoko irakaskuntzak arautzen dituena.
33/2021 Foru Dekretua, zeinak arauak ematen baititu Nafarroako Foru Komunitateko ikastetxe publikoetan eta pribatu itunduetan ikasleak onartzeko.
46/2021 Foru Agindua, zeinaren bidez garatzen baita Haur Hezkuntzako bigarren zikloko, Lehen Hezkuntzako, Derrigorrezko Bigarren Hezkuntzako eta Batxilergoko irakaskuntzak egiteko Nafarroako Foru Komunitatean dauden ikastetxe publikoetan eta itunpeko ikastetxe pribatuetan ikasleak onartzeko prozesua.
80/2019 Foru Dekretua, Nafarroako Foru Komunitateko Ikastetxe Publikoen Sarea berrantolatzen duena.